በኢትዮጵያ ያለው አገዛዝ፣ በኢንተርኔት እና ስልክ አገልግሎቶች ላይ አፈና እያካሄደ እንደሚገኝ ታወቀ

በኢትዮጵያ ያለው አገዛዝ፣ በኢንተርኔት እና ስልክ አገልግሎቶች ላይ ደፈቃ ወይም አፈና እያካሄደ እንደሚገኝ ታወቀ በሀገሪቱ በተለያዩ አካባቢዎች እየተካሄደ ያለው ህዝባዊ ተቃውሞ ያሰጋው ስርዓቱ፣ የኢንተርኔት አገልግሎትን በማቋረጥ፣ ህዝባዊ እምቢተኝነቱን ለማድበስበስ እየሞከረ እንደሚገኝ የገለጹት መረጃዎች፣ አፈናው ከክልሎች በተጨማሪም በአዲስ አበባ መስተዋሉን መረጃዎቹ አረጋግጠዋል በተለይ በዛሬው ዕለት በአዲስ አበባ የስልክም ሆነ የኢንተርኔት አገልግሎት አስቸጋሪ ሆኖ እንደዋለ የጠቆሙት መረጃዎቹ፣ በቀጥታ መስመርም ሆነ በኢንተርኔት ከውጭ ሀገር የሚደወሉ ስልኮች ከፍተኛ የኔትዎርክ ችግር እንደገጠማቸው ከመረጃዎቹ ገለጻ ለመረዳት ተችሏል::
ከሰኞ ዕለት ጀምሮ በኦሮሚያ እና አማራ ክልሎች ህዝባዊ የተቃውሞ ሰልፎች እየተካሄዱ መሆናቸው ለኢንተርኔት መቋረጥ ሰበብ ተደርገው ተወስደዋል አገዛዙ የተቃውሞ ሰልፎችን እና ሰልፎቹን ተከትሎ የሚፈጽማቸው ግድያዎች ተድበስብሰው እንዲቀሩ ጥረት እያደረገ እንደሚገኝ ታውቋል በዛሬው ዕለት በኦሮሚያ ክልል ነቀምት፣ በደሌ እና ማንዲ ከተሞች የተቃውሞ ሰልፍ መደረጉን ተከትሎ፣ በአካባቢዎቹ የኢንተርኔት አገልግሎት እዲቋረጥ ተደርጎ መዋሉን መረጃዎች ጠቁመዋል ስርዓቱ ተቃውሞ በተነሳበት ቁጥር እንዲህ ያለውን እርምጃ የሚወስደው፣ የሚፈጽመው ግድያ እና እስራት እንዳይጋለጥበት ስለሚፈልግ እንደሆነ ታዛቢዎች ይናገራሉ ላለፉት አራት ቀናት በተለያዩ የሀገሪቱ ክፍሎች ሲካሄድ የቆየው የኢንተርኔት አፈና፣ አድማሱን አስፍቶ ዛሬ በአዲስ አበባ መስተዋሉም ታውቋል በዛሬው ዕለት በአዲስ አበባ በተወሰኑ አካባቢዎች የኢንተርኔትም ሆነ መደበኛው የስልክ አገልግሎት ተቋርጦ እንደነበር ነዋሪዎች ለቢቢኤን ገልጸዋል በተለይ ከሰባት እና ስምንት ሰዓት ጀምሮ፣ በተለያዩ የአዲስ አበባ አካባቢዎች የስልክም ሆነ የኢንተርኔት አገልግሎት ማግኘት አስቸጋሪ እንደነበር፣ ችግሩ ያማረራቸው ነዋሪዎች አክለው ገልጸዋል ያለ ማቋረጥ እየተካሄደ ያለው ህዝባዊ ተቃውሞ፣ በስርዓቱ ላይ ከፍተኛ ፍርሃት የፈጠረበት ሲሆን፣ በተለያዩ አካባቢዎችም የታጠቁ የጸጥታ አካላት እንዲሰማሩ ተደርጓል::

BBN NEWS