Which one you first choose? በቅድሚያ የሚፈልጉት

Wednesday, December 31, 2014

Ethiopian journalists must choose between being locked up or locked out (CPJ)

Ethiopian journalists must choose between being locked up or locked out


(CPJ) A sharp increase in the number of Ethiopian journalists fleeing into exile has been recorded by the Committee to Protect Journalists in the past 12 months. More than 30–twice the number of exiles CPJ documented in 2012 and 2013 combined–were forced to leave after the government began a campaign of arrests. In October, Nicole Schilit of CPJ’s Journalist Assistance program and Martial Tourneur of partner group Reporters Without Borders traveled to Nairobi in Kenya to meet some of those forced to flee.
Ethiopian Journalists who fled to Nairobi
Journalists who fled to Nairobi over security fears perform a traditional Ethiopian coffee ceremony in one of the cramped apartments they share. (CPJ/Nicole Schilit)
The group of reporters, photographers, and editors we met had all been forced to make a tough decision that has affected them and their families–a life in exile or prison. All of the journalists spoke to CPJ on condition of anonymity, out of concern for their safety. During meetings to discuss their cases, one of them told us: “I hope one day I can bring my family. Maybe in the future. I want to secure myself first. Now is not secure.”
Since July, a large number of Ethiopian journalists have left behind their families, homes, and a steady income to seek safety. The reason for this sharp increase is a government crackdown on the independent media. In January, the state-controlled Ethiopian Press Agency and Ethiopian News Agency carried out a study to “assess the role of [seven] magazines in the nation’s peace, democracy and development.” The results were illustrated in two charts that claimed the magazines were promoting terrorism and damaging the economy.
Ethiopian government newspaper
One of the exiled journalists CPJ met in Nairobi holds up a newspaper report on a study criticizing independent publications. (CPJ/Nicole Schilit)
The study was followed by a series of arrests and charges of journalists from a range of publications, as well as those associated with the Zone 9 blogging collective. In July six bloggers and three journalists werecharged with terrorism. On June 25, 20 journalists at the state-run Oromia Radio and Television Organization were dismissedwithout explanation. In August, the Ministry of Justice announced that six publications were beingcharged with publishing false information, inciting violence, and undermining public confidence in the government. Managers at three publications weresentenced in absentia to three-year jail terms for “inciting the public by spreading false information.” And in October, Temesghen Desalegn of Feteh (Justice) magazine wassentenced to three years’ imprisonment for defamation and incitement.
With the threat of imprisonment hanging over Ethiopia’s press, many journalists decided to flee. Most left without much notice. Some knew Ethiopians who had moved to Nairobi months or even years earlier, and were able to contact them before leaving their homes. Others arrived without having any basic knowledge of the city, and had to find help with everything from registering as a refugee with the United Nations High Commissioner for Refugees (UNHCR) to finding a place to stay.
CPJ’s Journalist Assistance program has had a steady flow of requests from journalists in Ethiopia and other parts of East Africa since the program began in 2001, but we have never seen numbers like this. With so many journalists displaced, it was important that CPJ identified their most urgent needs and challenges before deciding how best to support them.
The exiled journalists that CPJ and its partner group met included journalists who worked for several independent publications, as well as freelancers and founding members of theEthiopian Journalists Forum (EJF). Not all of the journalists were facing charges, but they said they had experienced harassment, intimidation, and threats of imprisonment over their reporting.
One of the journalists said he had been in Angola for a conference in April when he was advised by friends not to return to Ethiopia. While he was away, six Zone 9 bloggers had been arrested. The journalist was not part of the Zone 9 group, but he said friends convinced him to come to Nairobi instead of returning to Ethiopia’s capital, Addis Ababa. Despite the warnings he was insistent on returning to Ethiopia. “I did not prepare to not return,” he said. His wife begged him to stay in Nairobi and told him security officials had visited their home and threatened her. She joined him in Nairobi one month later.
All of the journalists told us they needed financial support for basic living expenses. Despite being crammed into homes that feel temporary, and where up to three people share a room, the journalists struggle to afford rent and food. They have lost their incomes and, with the desire to keep a low profile and no means to start a publication, they do not know when they will be able to work again.
Conditions for Ethiopian journalists fleeing into exile
Conditions for those fleeing into exile are hard. Up to four journalists share a bedroom but they still struggle to pay for food and rent. (CPJ/Nicole Schilit)
In one apartment, four journalists from a single outlet were living together. They described how in Addis Ababa they had been financially secure. “Most of us have no economic problems back home. I had my own TV show and the payment from our employment was good… but that charge. We know the meaning of that charge,” one of the journalists said, referring to accusations that they had spread false information intended to undermine public trust in the government.
One of the journalists said he wanted to bring his wife and two-year-old son to Nairobi, but couldn’t afford their travel, or to support them. “There is no money. And I am the breadwinner,” he said.
Nairobi has offered little solace for these journalists. We met the majority of those we spoke to in the barely furnished homes they were living in, which are spread out across the city. Several of the journalists said they still did not feel safe, and were scared of being taken back to Ethiopia. The fear that authorities have the ability to reach over borders is common among those who have fled into exile.
Exile and security fears have taken a psychological toll on these journalists. They repeatedly told us their daily movements were limited because they worry what could happen while they are outside. “In the morning, I find myself without any plan to do. We feel lost here,” one said during meetings to assess their needs. Another added: “It is very boring. I feel desperate.”
One of the apartment buildings, Nirobi
One of the apartment buildings where some of the journalists are living. Many say the fear that drove them to flee still lingers. (CPJ/Nicole Schilit)
One of the journalists told us: “It’s a kind of traumatizing experience. At night, what if someone comes and is banging on the door looking for us? Whenever someone is shouting we think it is a security officer who [has] come to look for us. So it is very difficult at night. It is very scary.”
Respected journalists who had successful careers in Ethiopia are now refugees in a foreign country. Despite being in exile because of their reporting, they all expressed a commitment to continue working in journalism once their financial and security needs had been fixed.
Since speaking to the exiled journalists and assessing their needs, CPJ has been working with partner organizations to coordinate assistance for them. In addition to providing small grants to help cover basic living expenses, CPJ has continued to advocate on behalf of the journalists with the UNHCR. Exiled journalists have to register as a refugee with the organization, or other authorities, to begin the often lengthy process of applying for refugee status or waiting for resettlement to a third country.
The Journalist Assistance program is funded entirely through charitable donations. More details on how you can help, and how donations are used by the Gene Roberts Fund for Emergency Assistance are available here.
——————————————-
Nicole Schilit is CPJ’s Journalist Assistance Associate. She has a master’s in public administration from the School of International and Public Affairs at Columbia University and a bachelor’s in documentary photography from Oberlin College in Ohio.

ሰማያዊ ፓርቲ ከገንዘብ ክፍፍል ቀመሩ በፊት ምርጫው ፍትሓዊ እንዲሆን መወያየት እንደሚያስፈልግ አሳሰበ

• ተወካዩ ስብሰባውን ረግጦ ወጥቷል
(ነገረ ኢትዮጵያ) ምርጫ ቦርድ ዛሬ ታህሳስ 22/2007 ዓ.ም ለመጭው 2007 ዓ.ም ምርጫ የገንዘብ ክፍፍል ቀመር ላይ ለመወያየት በጠራው ስብሰባ ሰማያዊ ፓርቲ ከገንዘብ ክፍፍል ቀመሩ በፊት ምርጫው ፍትሓዊና ነጻ ለማድረግ መወያየት እንደሚቀድም ማሳሰቡን ፓርቲውን ወክሎ በስብሰባው የተገኘው አቶ ጌታነህ ባልቻ ለነገረ ኢትዮጵያ ገለጸ፡፡
ሰማያዊ ፓርቲን ጨምሮ ትብብሩን የመሰረቱት ፓርቲዎች ምርጫው ፍትሓዊ እንዲሆን የበኩላቸውን ትግል እያደረጉ እንደሆነ ያስታወሰው አቶ ጌታነህ፤ ታህሳስ 12/2007 ዓ.ም የህዝብ ታዛቢዎችን ለመምረጥ በተደገው ሂደት የተመረጡት የኢህአዴግ አባላት መሆናቸው፣ ከተመረጡት መካከል የሞቱ ሰዎች ስምም መካተቱ፤ እንዲሁም በህመምና በተለያዩ ምክንያቶች ለመታዘብ የማይችሉ የሚገኙበት መሆኑ፣ የአውሮፓ ህብረትና ሌሎች በዓለም አቀፍ ደረጃ ለመታዘብ ልምድ ያላቸው ተቋማት ራሳቸውን ማግለላቸው ምርጫው ከአሁኑ ፍትሓዊ እንዳልሆነ እንደሚያሳይና ከገንዘብ ክፍፍሉ በፊት ምርጫውን ፍትሓዊ ለማድረግ መወያየት እንደሚገባ አሳስቧል፡፡
ምርጫ ቦርድ ባቀረበው የገንዘብ ክፍፍል ቀመር መሰረት 10 በመቶ ለሴቶች፣ 10 በመቶ ለሁሉም ፓርቲዎች እኩል፣ 25 በመቶ ፓርቲዎች በሚያቀርቡት እጩ፣ 55 በፓርላማና በክልል ምክርት ቤት ባላቸው መቀመጫ እንደሚያከፋፍል የተቀመጠ ሲሆን ይህም 99.6 በመቶ ፓርላማ እንዲሁም የክልል ምክርቤትን የተቆጣጠረው፣ ከዚህም በተጨማሪ 547 ተወዳዳሪዎችን ለሚያቀርበው ኢህአዴግ የሚጠቅም ነው በሚል ተቃውሞ ገጥሞታል፡፡
ሰማያዊ ፓርቲን ወክሎ በምርጫ ቦርድ ስብሰባ የተገኘው የፓርቲው እቅድና ስትራቴጅ ኃላፊ የሆነው አቶ ጌታነህ ባልቻ ‹‹ከገንዘብ ክፍፍሉ በፊት ምርጫው ፍትሓዊ እንዲሆን መወያየት አለብን›› በሚል ያቀረበው ሀሳብ በምርጫ ቦርድ ተወካዮች ተቀባይነት ባለማግኘቱ ስብሰባውን ረግጦ መውጣቱን ለነገረ ኢትዮጵያ ገልጾአል፡፡

Ethiopian opposition figure downplays reports of job dismissal

By Tesfa-Alem Tekle
December 28, 2014 (ADDIS ABABA) – An Ethiopian opposition leader on Sunday dismissed reports alleging he has been fired from his job at the government-run Addis Ababa University.
mereraLocal media outlets reported that the leader of the opposition Oromo Federalist Congress, Merara Gudina, who chairs also the coalition of opposition parties MEDREK was fired from his academic professorial position.
The reports indicated that Gudina, an associate professor of political science at Addis Ababa University, was fired for his political views and due to the growing popularity he gained among university students in the build-up of the upcoming general elections.
“I haven’t received any letter of dismissal from the University,” Gudina told Sudan Tribune.
However, he claimed that the University has withheld his seven month salary for unknown reason.
“The university didn’t pay my salary since June while other employees were paid,” said Gudina adding “I don’t know why but I am in debate with the concerned bodies to release my salary”
The former MP is known of his democracy-related critics against the ruling party. Referring to the previously-fired opponents, opposition circles say Gudina is most likely to be fired soon.
Recently two opposition members who have been working at Ethiopian Airlines and Commercial Bank of Ethiopia were reportedly fired from their jobs.
Opposition members said their dismissal was politically motivated but government authorities said it was taken on disciplinary administrative measures.
International right groups are accusing the horn of Africa’s nation of tightening crackdown on independent media and opposition members ahead of the polls slated for May 2015.
In October, Amnesty International accused the Ethiopian government of illegally detaining over 5,000 members of the Oromo ethnic group, over the past four years to squash political dissent.
According to Amnesty, the detainees are accused of supporting the Oromo Liberation Front, a movement labelled by government as terrorist entity.
Ethiopia has repeatedly denied allegations of illegal detention and harassment, describing it as fabricated accusations aiming to tarnish image of the country.
The country’s electoral board this week said the country is prepared to conduct a democratic, free and fair election.
(ST)
- See more at: http://www.zehabesha.com/ethiopian-opposition-figure-downplays-reports-of-job-dismissal/#sthash.GmcGZzq9.dpuf

ሰበር ዜና !! ፖሊስ የደብረማርቆስ ተማሪዎችን እያፈሰ እያሰረ ነው


ሰበር ዜና !! ፖሊስ የደብረማርቆስ ተማሪዎችን እያፈሰ እያሰረ ነው


ፖሊስ የ‹‹አብዮታዊ ዴሞክራሲ›› ስልጠናን የተቃወሙ የደብረማርቆስ የመለስተኛ ሁለተኛ እና የከፍተኛ ሁለተኛ ደረጃ (መሰናዶ) ተማሪዎችን እያፈሰ እያሰረ እንደሚገኝ የነገረ ኢትዮጵያ ምንጮች ገለጹ፡፡ ተማሪዎቹ በትናንትናው ዕለት ኢህአዴግን የሚተቹ አስተያየቶችንና ጥያቄዎችን በማንሳታቸው ይሰለጥኑበት ከነበረው ሰፊ አዳራሽ ወጥተው 20፣ 20 ሆነው በጠባብ ክፍል እንዲሰለጥኑ ከመደረጉም ባሻገር ጥያቄ የሚያነሱት ላይ ማስፈራሪያ እንደደረሰባቸው ለነገረ ኢትዮጵያ ገልጸዋል፡፡
ዛሬ ጠዋት ጥያቄ ያነሳሉ የተባሉት ተማሪዎች ስልጠና ወደሚሰጡባቸው ትምህርት ቤቶች ግቢ እንዳይገቡ ከመደረጉም ባሻገር የድብዛ ከፍተኛ ሁለተኛ ደረጃ ትምህርት ቤት ተማሪዎች ስልጠናውን መቃወማቸውን ተከትሎ ፖሊስ እርምጃ እየወሰደ መሆኑን የሰሙ የተክለሀይማኖት መልስተኛ ሁለተኛ ደረጃ ተማሪዎች እርምጃውን በመቃወም ለድብዛ ተማሪዎች ድጋፍ መስጠታቸው ተገልጾአል፡፡

የሁለቱም ትምህርት ቤት ተማሪዎች በጋር በመሆን ከተማው አደባባይ ላይ በመውጣት ‹‹አህአዴግ አይገዛንም፣ ኢህአዴግ ሌባ፣…›› የመሳሰሉ መፈክሮችን በማሰማት ተቃውሟቸውን መግለጻቸውን ተከትሎም ፖሊስ ተማሪዎቹን እያፈሰ ወዳልታወቀ ቦታ መውሰዱ ተሰምቷል፡፡ ከዚህም ባሻገር ጥያቄ የሚጠይቁና ፖሊስ ተቃውሞውን አደራጅተዋል ብሎ የሚጠረጥራቸውን ተማሪዎች እየፈለገ እያሰረ መሆኑን ተማሪዎቹ ለነገረ ኢትዮጵያ ገልጸዋል፡፡
በምስራቅ ጎጃም ዞን በ17ቱም ወረዳዎች የሚገኙ ተማሪዎች ስልጠናውን ካልወሰዱ ከትምህርት ቤት እንደሚባረሩና ፈተና ላይ እንደማይቀመጡ ማስጠንቀቂያ ቢሰጣቸውም ስልጠናውን መቃወማቸውን ምንጮቻችን ገልጸዋል፡፡

ኢትዮጵያ ለወሲብ ንግድና ለህገወጥ የሰዎች ዝውውር መነሻ አገር ሆናለች ሲል የአሜሪካ የውጭ ጉዳይ መስሪያ ቤት አስታወቀ

  
የአሜሪካ የስቴት ዲፓርትመንት ባወጣው የ2014 ሪፖርት ኢትዮጵያ ለግዳጅ ሥራ፣ ለወሲብ ንግድና ለሕገወጥ የሰዎች ዝውውር የተዳረጉ ወንዶች፣ ሴቶች እና ሕፃናት መነሻ፤ በተወሰነ ደረጃም መዳረሻ አገር ናት ብሎአል።
አዲስ አበባ የሚገኘው ዋና የገበያ ማዕከል ከአፍሪካ ቀዳሚው የወሲብ ንግድ ቤቶች መገኛ ነው የሚለው ሪፖርቱ፣ ዕድሜያቸው እስከ 8 ዓመት የሚሆኑ ልጃገረዶች በነዚህ ቤቶች በሴተኛ አዳሪነት ተሰማርተዋል ይላል።
ኢትዮጵያውያን ወጣት ሴቶች ከኢትዮጵያ ውጪም በተለይ በጂቡቲ፣ደቡብ ሱዳን እና በመካከለኛው ምስራቅ አገራት ውስጥ በቤት ሠራተኝነት እና በሴተኛ አዳሪነት እንዲሰሩ እንደሚገደዱ፣ ኢትዮጵያውያን ወጣት ወንዶች ደግሞ ጂቡቲ ውስጥ በሱቅ ሰራተኝነት፣ በተላላኪነት፣ በቤት ሰራተኝነት፣ በስርቆት እና በጎዳና ላይ ልመና ለግዳጅ ሥራ ተዳርገዋል ብሎአል።
  
በርካታ ወጣቶች ሥራ ፍለጋ ወደ መካከለኛው ምስራቅ ሲሰደዱ ጂቡቲ፣ ግብጽ፣ ሶማሊያ፣ ሱዳን ወይም የመንን እንደመሸጋገሪያ ይጠቀማሉ የሚለው ሪፖርቱ፣አንዳንዶቹ ሊሄዱ ካሰቡበት አገር ሳይደርሱ እንደመሸጋገሪያነት ባረፉበት አገር ተይዘው ለብዝበዛ፣ለእስራት፣ለግዳጅ ስራ እና ለመታገት ይዳረጋሉ ብሎአል።
በመካከለኛው ምሥራቅ አገራት በቤት ሰራተኝነት የተሰማሩ በርካታ ኢትዮጵያውያን ሴቶች አካላዊ እና ወሲባዊ ጥቃት፣ ደሞዝ ክልከላ፣ እንቅልፍ መነፈግ፣ የፓስፖርት መያዝ፣ በቤት ውስጥ መታገት እና ግድያን ጨምሮ አስከፊ ጥቃቶች እንደሚደርስባቸው፣ በአንዳንድ አጋጣሚዎች ኢትዮጵያውያን ሴቶች ስራ ፍለጋ ከአገር ከወጡ በኋላ፣ በወሲብ ንግድ ቤቶች፣ በማዕድን ማውጫ ቦታዎች፣ ሱዳን እና ደቡብ ሱዳን ውስጥ በሚገኙ ነዳጅ ዘይት ማውጫ አካባቢዎች ለወሲብ ንግድ ብዝበዛ ይዳረጋሉ ብሎአል።
የሠራተኛና ማኅበራዊ ጉዳይ ሚኒስቴር በቀን እስከ 1500 የሚደርሱ ኢትዮጵያውን በሕጋዊ መንገድ ከአገር እንደሚወጡ ቢገልጽም፣ ይህ ቁጥር ወደ መካከለኛው ምሥራቅ ከሚሰደዱ ኢትዮጵያውያን ቁጥር ከ30 እስከ 40 በመቶ ብቻ የሚወክል ብሎአል። ከ60 እስከ 70 በመቶ የሚሆኑት ሠራተኞች በሕገ ወጥ ደላሎች አማካኝነት ለህገወጥ የሰዎች ዝውውር ወይንም ስደት እንደሚዳረጉ ጠቅሷል።
መንግስት በአስቀጣሪ ኤጀንሲዎች ላይ ክልከላ ቢጥልም ክልከላውን ተከትሎ በሱዳን በኩል የሚደረግ ሕገወጥ የሰራተኞች ፍልሰት መጨመሩን የአሜሪካ የውጭ ጉዳይ መስሪያ ቤት ሪፖርት ጠቁሟል። እ.ኤ.አ. ከሕዳር 2013 ጀምሮ የሳዑዲ ዓረቢያ መንግስት ከ163 ሺ 000 በላይ የሚሆኑ ኢትዮጵያውያንን ከአገሩ ያስወጣ ሲሆን ከነዚህም መካከል ከ94 ሺ 000 የሚበልጡት በኮንስትራክሽን ዘርፍ ውስጥ የተሰማሩ ወንዶች፤ ከ8 ሺ 000 የሚልቁት ደግሞ በእረኝነት እና በቤት ሰራተኝነት የተቀጠሩ ሕጻናት ናቸው ብሎአል።
መንግሥት ሕገ ወጥ የሰዎች ዝውውርን ለማስወገድ የተቀመጡትን ዝቅተኛ መስፈርቶችን ሙሉ በሙሉ ባያሟላም፣ ችግሩን ለመቅረፍ ከፍተኛ ጥረት እያደረገ ይገኛል የሚለው ሪፖርቱ፣ የፌዴራሉ ከፍተኛ ፍርድ ቤት 106 ሕገወጥ የሰዎች ዝውውር የፈጸሙ ወንጀለኞች ሕግ ፊት ቀርበው እንዲቀጡ ያደረገ ሲሆን፤ከዓለምአቀፍ አጋሮች ጋር በመተባበርም ለሕገወጥ የሰዎች ዝውውር ሰለባዎች መጠለያ እና የአስቸኳይ ጊዜ ዕርዳታ አድርጓል ሲል አትቷል።
መንግስት የሕገወጥ ዝውውር ሰለባ የሆኑትን ጨምሮ ከሳዑዲ ዓረቢያ እና ከሌሎችም አገራት የተባረሩ ዜጎች ወደ አገራቸው እንዲመለሱ የማመቻቸት ስራ ቢሰራም፣ የገንዘብም ሆነ የቁሳቁስ ድጋፍ ሳያደርግ የውጭ አገር ድርጅቶች ይወጡት በማለት ሃላፊነቱን ለእነሱ መተውን ገልጿል።
መንግስት ውጭ አገር በሚገኙ ዲፕሎማቲክ ሚሽኖች የሰራተኛ ጉዳዮችን የሚመለከቱ አታሼዎችን አለመመደቡ፤በኤምባሲዎችና ቆንስላ ጽ/ቤቶች በሚሰጡ የዜጎች ደህንነት አገልግሎቶች ላይም ማሻሻያ አለማድረጉም ተጠቅሷል፡፡
መንግስት የሕጻናት የወሲብ ንግድን እና ሌሎች በአገር ውስጥ የሚፈጸሙ ሕገወጥ የሰዎች ዝውውር ወንጀሎችን በሕግ ማስከበር፣ ከለላ በመስጠት እና በመከላከል በኩል በቂ ሥራ አልተሰራም በሚል ስቴት ዲፓርመንት ትችት አቅርቧል።

የባህር ዳር መስዋዕትነት የማይቀረዉ ድል ዋስትና ነዉ ginbot7

ወያኔ በየአመቱ ህዳር ወር መጨረሻ ላይ የኢትዮጵያን ብሄር ብረሰቦች ሰብስቦ ዘፈን የሚያስዘፍንበትን በዐል ሲያከብር በተደጋጋሚ ከሚያሳማቸዉ መፈክሮች አንዱ የብሄር ብሄረሰቦች መብትና እኩልነት በህገመንግስታችን ተከበረ የሚል እጅግ በጣም አሳሳች የሆነ መፈክር ነዉ። በእርግጥም ወያኔ ለይስሙላ ወረቀት ላይ ያሰፈረዉ ህገ መንግስት መግቢያዉ ላይ “እኛ የኢትዮጵያ ብሄሮች፤ ብህረሰቦች፤ ህዝቦች በነጻ ፍላጎታችን የህግ የበላይነትና በራሳችን ፍላጎት ላይ የተመሰረተ አንድ የፖለቲካ ማህበረሰብ በጋራ ለመገንባት ቆርጠን ተነስተናል” ይላል። መቼም ይህ ምንም በማያሻማ መልኩ ቁልጭ ብሎ የተቀመጠ ህገ መንግስታዊ አንቀጽ ሌላ ትርጉም ካልሰጡት በቀር የአማራንም ህዝብ ያጠቃልላል የሚል ሙሉ እምነት አለን። በዚህ ደግሞ የአማራን ክልል የማስተዳድረዉ እኔ ነኝ ባዩ ባዕዴንም የሚስማማ ይመስለናል። በተግባር ሲታይ ግን ይህ የወያኔ ህገ መንግስት ላይ ህዝብና መንግስት የሚተዳደሩበት ህግ ቀርቶ ህገ አራዊት እንኳን አይመስልም። ምክንያቱም በህገ አራዊት አሰራር ተመሳሳይ ዝሪያ ያላቸዉና በአ ያላቸዉ የዱር አራዊት ይከባበራሉ እንጂ አንዱ ሌላዉን አያጠፋም። ለምሳሌ አንበሳና አንበሳ ይረዳዳሉ ወይም አብረዉ አደን ይወጣሉ እንጂ እርስ በርስ አይተላለቁም፤ ነብርና አንበሳም ቢሆኑ በተገናኙ ቁጥር ተከባብረዉ ይተላለፋሉ እንጂ አንደ ወያኔ ብጤያቸዉን ባዩ ቁጥር አያጠቁም ወይም አይገድሉም።
ወረቀት ላይ የሰፈረዉን የወያኔ ህገ መንግስት የተመለከተ ሰዉ ኢትዮጵያ ዉስጥ ዜጎች መብታቸዉና ነጻነታቸዉ ተከብሮ የሚኖሩ ሊመስለዉ ይችላል። በእርግጥም ይመስላል። ምክንያቱም የወያኔ ህገ መንግስት ችግሩ አጻጻፉ ላይ ወይም ይዘቱ ላይ ሳይሆን በተግባር አተራጓጎሙ ላይ ነዉ። በ1987 ዓም የፀደቀዉ የወያኔ ህገ መንግስት በተግባር ሲታይ ብሄሮች፤ ብህረሰቦችና ህዝቦች የሚለዉ ቦታ ደብዛዉ ጠፍቶ ሁሉም ነገር ወያኔ ወይም ህወሓት በሚለዉ ቃል ተተክቷል፤ ወይም ሁሉም የአገራችን ብሄር ብሄረሰቦች ተጨፍለቀዉ የትግራይ ልህቃን ወይም የህወሓት ሎሌዎችና ተላላኪዎች ሆነዋል። ለዚህ ነዉ አገራችን ኢትዮጵያ ወያኔ ያሰኘዉን የሚያዝባት የኢትዮጵያ ህዝብ ደግሞ አንገቱን ደፍቶ የሚታዘዝባት አገር የሆነችዉ።
ሌላዉ ወያኔ ህገ መንግስቱ ዉስጥ አስፍሮ በየቀኑ እንደቤቱ ዉስጥ ምንጣፍ ከሚረግጣቸዉ ህገ መንግስታዊ አንቀጾች ዉስጥ አንዱ አንቀጽ 30 ንዑስ አንቀጽ አንድ ነዉ። ይህ አንቀጽ ማንኛዉም ሰዉ ከሌሎች ጋር በመሆን መሳሪያ ሳይዝ በሠላም የመሰብሰብና ሠላማዊ ሠልፍ የማድረግ ነጻነትና አቤቱታ የማቅረብ ሙሉ መብት አለዉ ይላል። ሆኖም የዚህን አንቀጽ ሙሉ ቃል ከወያኔ የየቀኑ አረመኔነት ጋር ስናነጻጽር አንቀጹ የተጻፈበትን ወረቀት ያክል እንኳን ክብደት የለዉም። ይህንን ደግሞ የኢትዮጵያ ህዝብ ሠላማዊ ሠልፍ ባደረገባቸዉ ቦታዎች ሁሉ ወያኔ በተከታታይ በወሰዳቸዉ አረመኔያዊ እርምጃዎችና በፈጸማቸዉ ሰቆቃዎች ተመልክተናል። ለምሳሌ ባለፈዉ አመት አምቦ ዉስጥ አሁን ከሰሞኑ ደግሞ ባህርዳር ዉስጥ ህገ መንግስታዊ መብታቸዉን ተጠቅመዉ ጥያቀያቸዉን ሠላማዊ ሰልፍ በማድረግ ያቀረቡ ከፍተኛ ቁጥር ያላቸዉ ህፃናት፤ ወጣቶች፤ አዋቅዎች ወንዶችና ሴቶች በአግዓዚ ነብሰ ገዳዮች ጥይት ተጨፍጭፈዋል።
ወያኔ በተደጋጋሚ ሠላም … ሠላም እያለ በአፉ ይናገር አንጂ ወያኔን ከሰላም ጋር የሚያገናኘዉም ሆነ ወያኔ ስለ ሰለም የሚያዉቀዉ ምንም ነገር የለም። እዉነቱን ለመናገር ኢትዮጵያ ዉስጥ ሠላማዊ ሠልፈኞችን የሚገድል፤ ሠላለማዊ ዜጋን አስሮ የሚደበድብና የሠላም መንገዶችን ሁሉ ቅርቅር አድረጎ የዘጋዉ ወያኔ ብቻ ነዉ። ሌላዉ ቀርቶ ወያኔ የሚያስበዉ፤ የሚያቅደዉና ዕቅዱን ወደ ተግባር የሚለዉጠዉ ከህዝብ ፈቃድና ፍላጎት ዉጭ ስለሆነ ልማት ብሎ የሚጀምራቸዉ ፕሮጀክቶች እንኳን የህዝብን ሠላም የሚያናጉና የሠላማዊ ዜጎችን ህይወት የሚቀጥፉ ጅምሮች ናቸዉ። ከሰሞኑ ደግሞ ባህር ዳር ዉስጥ እየታየ ያለዉ ህዝባዊ ቁጣ የዚሁ ወያኔ ልማት እያለ የቀሰቀሰዉ ህዝባዊ እሳት ዉጤት ነዉ።
ወያኔ እራሱን ልማታዊ መንግስት እያለ እየጠራ በሚወስዳቸዉ እርምጃዎች ሁሉ ከህዝብ ጋር መጋጨት ከጀመረ አመታት ተቆጥረዋል። ደቡብ ኦሞ ዉስጥ ሙርሲዎች በልማት ስም ከመሬታቸዉ ተፈናቅለዋል፤ አንፈናቅለም ብለዉ የተፋጠጡት ደግሞ በግፍ ተጨፍጭፈዋል። ታሪካዊዉ ዋልድባ ገዳም ዉስጥ ገዳም አለም በቃኝ ያሉ ሰዎች መኖሪያ አንጂ የእርሻ ቦታ አይደለም ብለዉ የተናገሩ መነኮሳት ቆባቸዉን አንደደፉ በቆመጥና በሰደፍ ተደብድበዋል። ጋምቤላና አፋር ዉስጥም በልማት ስም ከመሬታችን አታፈናቅሉን ብለዉ አቤቱታ ያቀረቡ ገበሬዎች ታስረዋል፤ ተግዘዋል ተገድለዋል። ለመሆኑ ወያኔ ልማት ብሎ አንድ ፕሮጀክት በጀመረ ቁጥር ህዝብን የሚያግዝና የሚገድል ከሆነ ልማቱ የሚታቀደዉ ለማነዉ? በልማቱስ ተጠቃሚ የሚሆነዉ ማነዉ?
በያዝነዉ ታህሳስ ወር መግቢያ ላይ ባህር ዳር ዉስጥ የአራት ሰላማዊ ዜጎችን ህይወት የቀጠፈዉና አለም በቃኝ ብለዉ ለፈጣሪያቸዉ ያደሩትን መነኩሴ ጨምሮ ለአያሌ ሠላማዊ ዜጎች መቁሰልና መታሰር ምክንያት የሆነዉ ይሄዉ ወያኔ በልማት ስም የጀመረዉና የአካባቢዉን ህዝብ ፍላጎት ያላካተተዉ የወያኔ ፀረ ህዝብና ፀረ አገር እርምጃ ነዉ። በእርግጥም አሁንም ድረስ ያልበረደዉ የባህር ዳሩ ህዝባዊ ተቃዉሞ የተቀሰቀሰዉ ወያኔ የባህር ዳርና የአካባቢዉ ህብረተሰብ የጥምቀት በዐል የሚያከብርበትንና የቤ/ክርስቲያን ንብረት የሆነዉን የቅዱስ ታቦት ማደሪያ ቦታ መንገድና ሱቅ እሰራለሁ ብሎ ማፈራረስ በመጀመሩ ነዉ።
ይህ በልማት ስም ሐይማኖታዊ የማመለኪያ ቦታን የማፈራረስና የቤ/ክርስቲያንን መሬት የመቀማት ሴራ የተዉጠነጠነዉ በወያኔ ቢሆንም የወያኔ ተላላኪ በመሆን ይህንን ከፍተኛ ወንጀል በገዛ ወገኖቹና ለጥቅሙ ቆሜያለሁ በሚለዉ ህብረተሰብ ላይ የሚያሰፈጸመዉ ግን ባዕዴን ነዉ። ባዕዴን ከዚህ ቀደምም በተከታታይ እንደታየዉ አማራዉ ከተለያዩ የኢትዮጵያ አካባቢዎች በግፍ ሲባረርና ሲፈናቀል አፉን ዘግቶ የተመለከተና የአማራን ህዝብ ጥቅምና ፍላጎት ለወያኔ አሳልፎ የሰጠ ከሃዲ ድርጅት ነዉ። ባዕዴን ነኝ ብሎ እንደሚናገረዉ በእርግጥም ለአማራ ህዝብ መብትና ነጻነት መከበር የቆመ ድርጅት ቢሆን ኖሮ የለየለት የአማራ ህዝብ ጠላት የሆነዉ ህወሓት አያገባዉ ገብቶ በአማራ ህዝብ ጉዳይ ላይ ሲፈተፍት ዝም ብሎ አይመለከትም ነበር።
ዘረኞቹ የወያኔ መሪዎች የኢትዮጵያን ህዝብ ታሪክና አንድነት ብቻ ሳይሆን ባህሉን ፤ወጉንና ሐይማኖቱን ጭምር እንዳልነበረ ለማድረግ ያላደረጉት ነገር የለም። የኢትዮጵያን ኦርቶዶክስ ቤ/ክኢርሰቲያን ጳጳስ አንስተዉ ቅዱስ መንበራቸዉን እጁ በደም ለተጨማለቀ ካድሬ በመስጠት ጥንታዊት ቤ/ክርስቲያናችንን ለሁለት አንድትከፈል አድርገዋል። ይህ ሁሉ አልበቃ ብሏቸዉ ከሰሞኑ ባህርዳር ዉስጥ ህዝብ ጥምቀተ በዐል የሚያከብርበትንና የቅዱስ ታቦት ማደሪያ የሆነዉን ቦታ ከቤ/ክርስቲያን ቀምተዉ የንግድ ቦታ ለማድረግ ሞክረዋል። የእስልምና እምነት ተከታዮችን በተመለከተም ህጋዊዉን መጂሊስ አፍርሰዉ በእነሱ ፍላጎት ብቻ የሚመራ አሻንጉሊት መጂሊስ በማቋቋማቸዉ ከህዝበ ሙስሊሙ ጋር የፈጠሩት ግጭት ዛሬም ድረስ እንደተቀጣጠለ ነዉ።
የወያኔ ነብሰ ገዳዮች አዲስ አበባ፤ አምቦ፤ ደቡብ ኦሞ፤ ጋምቤላ፤ አፋርና አሁን በቅርቡ ደግሞ ባ/ህርዳር ዉስጥ በሰላማዊ ዜጎች ላይ የፈጸሙት አረመኔያዊ ጭፍጨፋ እነዚህ ሰዎች ስራቸዉ አገር መምራት ነዉ ወይስ ህዝበን እያደኑ መግደል ነዉ የሚያሰኝ ነዉ። በእርግጥም ወያኔ እስከዛሬ የገደላቸዉን ሰዎችና ሰዎቹን የገደለበትን ምክንያት ስንመለከት የወያኔ የሙሉ ግዜ ስራ አገር መምራት ሳይሆን ህዝብን ምክንያት እየፈከገ መጨፍጨፍ መሆኑን ያረጋግጥልናል። በተለይ በቅርቡ ባህርዳር ዉስጥ አለም በቃኝ ብለዉ ገዳም የገቡትን መነኩሴ በጥይት መትተዉ ማቁሰላቸዉን ስንመለከት ወያኔዎች የገነቡትን ዘረኛ ስርዐት ዕድሜ ለማራዘም ምንም ነገር ከማድረግ ወደ ኋላ እንደማይሉ በግልጽ ያመለክታል።
አለማችን ዛሬም ብዙ ጨቋኝ መሪዎች የሚኖሩባት የአምባገነኖች መድረክ ናት፤ ሆኖም ህዝብ በተቃወማቸዉና በሠላማዊ ሠልፍ ቁጥዉን በገለጸ ቁጥር እንደ ወያኔ ያለ ምንም ማመንታት ሀዝብን በጥይት የሚጨፈጭፍ አረመኔያዊ አገዛዝ የለም። እዚህ ላይ አንድ ፍጹም ግራ የሚያጋባ ነገር አለ፤ እሱም ወያኔ ሠላማዊ ሰለፍኞችን በጥይት የሚጨፈጭፈዉ ሆን ብሎ ህዝብን የሚያስቆጡና የሚያነሳሱ ፀር ህዝብና ፀረ አገር እርምጃዎችን እየወሰደ ነዉ። ለምሳሌ ብዙዎቹን የወያኔ ጭፍጨፋዎች ትተን ሰሞኑን ባህርዳር ላይ የደረሰዉን እልቂት ብቻ ብንመለከት ህዝባዊ ቁጣዉ የተቀሰቀሰዉ ወያኔ ካልጠፋ ቦታ የቅዱስ ታቦት ማደሪያ የሆነዉን ቦታ አፍርሶ የሸቀጣ ሸቀጥ መሸጯ ቦታ ለማድረግ በመሞከሩ ነዉ።
የኢትዮጵያ ህዝብ ሀይማኖቱ ሲነካ ወይም ሀይማኖታዊ ስርዐቱና ልምዱ ጣልቃ ሲገባባቸዉ እጅግ በጣም የሚቆጣና ተኝቶ የማያድር ህዝብ ነዉ። ለምሳሌ የኢትዮጵያ ህዝብ ቤ/ክርስቲያኑ አላግባብ ከፈረሰበትና ጥምቀት፤ ገና፤ ፋሲካ፤ ቡሄ፤ ቅዱስ ዮሐንስና ደመራን የመሳሰሉ ሀይማኖታዊ ስርዐቶቹንና ልምዶቹን በለመደበት ግዜና ቦታ እንዳያከብር ከተከለከለ፤ በከልካዮቹ ላይ መነሳት ብቻ ሳይሆን እነሱን ከማጥፋት የማይመለስ ህዝብ ነዉ። ዛሬ አገር ቤትም ሆነ በዉጭ አገሮች የሚኖረዉ ኢትዮጵያዊ አይኖቹን ወደ ባህር ዳር ያዞረዉና እኛም ዉቧ የባህርዳር ከተማ የወያኔ መጨረሻ የተጀመረባት ከተማ ናት ብለን አፋችንን ሞልተን የምንናገረዉ ይህንን ስለምንረዳ ነዉ።
የኢትዮጵያ ህዝብ የወያኔን ግፍና መከራ ከ23 አመታት በላይ ተሸክሞ ኖሯል። በእነዚህ ሃያ ሦስት አመታት ዉስጥ ሠላማዊ ኢትዮጵያዉያን በየመንገዱና በየአደባባዩ እንደ ዱር እንስሳ እየታደኑ ተገድለዋል። አዲስ አበባ፤ አምቦ፤ አዋሳ፤ደቡብ ኦሞ፤ አፋር፤ ጋምቤላ፤ አርሲ ገደብ አሳሳና ኮፈሌ ዉስጥ አሁን ከሰሞኑ ደግሞ ባህር ዳር ዉስጥ የንጹህ ኢትዮጵያዉያን ደም በግፍ እንደ ጎርፍ ሲፈስ ተመለክተናል። ወያኔንና ዘረኛ ስርዐቱን አስወግደን ኢትዮጵያን የህዝቦቿ አገር ካላደርግናት በቀር ወያኔ ስራዉ መግደል ነዉና እሱ እየገደለ እኛም የእያንዳንዳችን ተራ እስኪደርስ ድረስ ወያኔ የገደለዉን እየቀበርን መኖራችን የማይቀር ነዉ። የኢትዮጵያ ህዝብ ሆይ! ያለህ አማራጭ አንድ ብቻ ነዉ፤ እሱም ሁሌ እየሞትክና እየቀበርክ ከምትኖር ከወያኔ ጋር ፉት ለፊት ተጋፍጠህ እንዳባቶችህ የክብር ሞት ሙትና ለልጆችህና ለልጅ ልጆችህ ህይወት ሁንላቸዉ። አንተ በአንድነት ተነስተህ ፊትህን ወደ ወያኔ ካዞርክ ወያኔ እንደ ጉም በንኖ የሚጠፋ ገለባ ነዉ። ወያኔ እየረገጠ የሚገዛህና የሚገድልህ አንተኑ እንደ ሀይል በመጠቀም ነዉና ለወያኔ አልገዛም በል። ከሁሉም በላይ ደግሞ በዚህ በያዝነዉ የሞትና የሽረት አመት ወያኔን ለማስወገድ ከዉጭም ከዉስጥም በሚደረገዉ ትግል ዉስጥ ድርሻህን ተወጣ። ድል ምንግዜም ያንተ ነዉና . . . . አይዞህ፤ በርታ ዝመት!

ደብረማርቆስ፣ ባሶ ሊበንና ሞጣ የመሰናዶ ተማሪዎች የ‹‹አብዮታዊ ዴሞክራሲ›› ስልጠና ላይ ተቃውሙ አሰሙ

• በሶስት ከተሞች ረብሻዎች ተነስተዋል
(ነገረ ኢትዮጵያ) በምስራቅ ጎጃም ዞን ሁሉም ትምህርት ቤቶች የ11ኛ እና የ12ኛ ክፍል መሰናዶ ተማሪዎች ትምህርታቸውን አቁመው እንዲወስዱ የተደረገውን የ‹‹አብዮታዊ ዴሞክራሲ›› ስልጠና ላይ ተቃውሞ ማሰማታቸውን ምንጮን ለነገረ ኢትዮጵያ ገልጸዋል፡፡
(ደብረማርቆስ ከተማ)
በስልጠናው ወቅት የህዝቡ አስተሳሰብ፣ የግል ሚዲያ፣ ተቃዋሚዎች ለኢትዮጵያ እድገት ጠንቅ ተደርገው የቀረቡ ሲሆን ተማሪዎች ይህንን አቀራረብ ተቃውመውታል፡፡ በአንጻሩ ከወራት በፊት ስልጠናውን የወሰዱት መምህራንም ዳግመኛ ስልጠናውን እየወሰዱ ቢሆንም ዝምታን መምረጣቸው ተገልጾአል፡፡
ተማሪዎቹ ‹‹የምርጫ ቅስቀሳ ከሆነ ለተቃዋሚዎችም ይፈቀድ፣ ለምን ለግጭት የሚጋብዙ ቅስቀሳ ትቀሰቅሳላችሁ፣ የኢህአዴግ ፖሊሲ ምሁራንንም ጭምር ለስደት የዳረገ ነው፣ ከቻይና እና ከኮሪያ የሚያስተሳስረን የታሪክም ሆነ የባህል መሰረት የለንም፣ ኢህአዴግ 23 አመት ያልተገበረውን ዴሞክራሲ ሊያስተምረን አይችልም›› የሚሉ ጥያቄዎችንና አስተያየቶችን አንስተዋል፡፡
በስልጠናው ወቅት ተቃውሞዎች እየተነሱ ሲሆን በተለይም ደብረማርቆስ፣ ባሶ ሊበንና ሞጣ ላይ ተማሪዎቹ ‹‹ኢህአዴግ ሌላ፣ ኢህአዴግ ሌባ›› የሚል ጩኸት በማሰማታቸው ሲሰለጥኑበት ከነበረው ሰፊ አዳራሽ 20፣ 20 ሆነው በየክፍሉ እንዲሰለጥኑ ተደርገዋል፡፡ በተለይ በደብረማርቆስ ከተማ በሚገኙ የሁለተኛ ደረጃ ትምህርት ቤቶች ተማሪዎቹ የካድሬ ስልጠና አንሰለጥንም በማለት መረር ያለ ተቃውሞ እያሰሙ እንደሚገኙ ከአካባቢው የደረሰን መረጃ ያመለክታል፡፡

24 ኢትዮጵያውያን ወደ የመን ሲያቀኑ ባህር ላይ ሰጠሙ24 Ethiopian migrants drown off Yemeni coast

ኢሳት ዜና :-የየመን አገር ውስጥ ሚኒስቴር እንዳስታወቀው ኢትዮጵያውያኑ  ሞቻ በሚባለው የወደብ ከተማ አቅራቢያ  ሲደርሱ የተሳፈሩበት ጀልባ በመስጠሙ 24ቱም አትዮጵያውያን አልቀዋል።

የሁሉም አስከሬን መገኙቱን ባለስልጣኑ ሲናገሩ፣ የተረፉ ካሉም በማፈላለግ ላይ መሆኑን አስታውቋል።
ባለፈው ወር ከ79 ያላነሱ ኢትዮጵያውያን ባህር ላይ ማለቃቸው ሲታወስ በአንድ ወር ጊዜ ውስጥ ባህር ላይ የሞቱ ኢትዮጵያውያንን ቁጥር 100 አድርሶታል።
ስቴት ዲፓርትመንት ባወጣው ዘገባ በየቀኑ በሺዎች የሚቆጠሩ ኢትዮጵያውያን አገራቸውን ለቀው ይሰደዳሉ። መንግስት በተደጋጋሚ አገሪቱ 11 በመቶ እንዳደገች ቢግልጽም ስደቱ ግን አሁንም ተጠናክሮ ቀጥሎአል።
ሰበር ዜና ~ December 30th, 2014
ሰበር ዜና – 24 ኢትዮጵያውያን በየመን የቀይ ባህር ጠረፍ በባህር ውስጥ ሰጥመው ሞቱ

Breaking: 24 Ethiopian migrants drown off Yemeni coast
Sanaa, Dec 30 (IANS) The Yemeni interior ministry said Monday that 24 Ethiopian migrants were found dead after their boat sank off the Yemeni coast.
In a statement posted on its website, the ministry said the boat sank off the Red Sea coast of Yemen’s southwestern province of Taiz, Xinhua reported.
It said the rescue operation has been launched to search for survivors off the port city of Al-Makha. The statement did not tell when the boat sank.
It was the second accident in the Yemeni waters in less than a month. On Dec 7, about 70 Ethiopean migrants drowned after their boat sank in the Red Sea due to bad weather.
According to media reports, hundreds of Africans drown every year while trying to reach Yemen in crowded boats.
Over 62,000 asylum seekers, refugees and migrants arrived in Yemen from the Horn of Africa in 2013, according to the United Nations’ refugee agency

የ30 ዓመቱ ኢትዮጵያዊ በደቡብ አፍሪካ በጎርፍ ተወስዶ ሕይወቱ አለፈ

A 30-year-old Ethiopian man drowned in Rustenberg, South Africa ... Read More at...http://goo.gl/iJe1Sy |
የ30 ዓመቱ ኢትዮጵያዊ በደቡብ አፍሪካ በጎርፍ ተወስዶ ሕይወቱ አለፈ… ኢትዮጵያዊው በጎርፍ የተወሰደው በደቡብ አፍሪካዋ የሩስተንበርግ ከተማ ሲሆን አደጋው በደረሰበት ወቅት መኪናውን እያሽከረከረ በድልድይ ላይ ያልፍ እንደነበር ተጠቅሷል፡፡ መኪናዋ የምታልፍበት ድልድይ ዝቅ ያለ በመሆኑ በድልድዩ ስር የሚያልፈው ጎርፍ መኪናዋን እንደወሰዳትና በዚህም የኢትዮጵያዊው ሕይወት ማለፉ ተዘግቧል፡፡ ዝርዝሩን ይመልከቱ… source.-http://www.diretube.com/article_read.php?

የኦሮምያ ክልል የአድማ ብተና ዋና አዛዥ እስከ ጠባቂዎቻቸው አረፉ

ታኀሳስ ፳፩(ሃያ አንድቀን ፳፻፯ / ኢሳት ዜና :-በኦሮምያ ክልል  በተለይም በአምቦ፣ በአለማያና በሌሎችም ዩኒቨርስቲዎች ለተፈጸሙ ግድያዎችና  በሌሎች  አካባቢዎች ለደረሱ ከፍተኛ የሰብአዊ መብት ጥሰቶች ተጠያቂ የሆኑት ኮማንደር ፣ ታህሳስ 17 ቀን 2007 ዓም ሲያሽከረክሩት የነበረው መኪና ተገልብጦ ከ3 ጠባቂዎቻቸው ጋር በሂርናና አሰበ ተፈሪ መካከል በሚገኝ አንድ ገደላማ ቦታ ላይ ገብተው ህይወታቸው ወዲያውኑ አልፎአል።
ኮማንደሩ የተሳፈሩበት ዘመናዊ ላንድ ክሩዘር  ወደ ኢትዮጵያ ከገባ የአንድ ወር እድሜ ብቻ የነበረው መሆኑን የሚናገሩት ምንጮች፣ አደጋው ሆን ተብሎ የተቀነባበረ ይሁን አይሁን ለማወቅ እንዳልቻሉ ገልጸዋል። ኢህአዴግ በኦሮምያ ክልል ውስጥ አለኝ ብሎ የሚያስበው ቁልፍ የደህንነት ሰው እንደነበር የሚናገሩት ምንጮች፣ ግለሰቡ በቀጥታ ከህወሃት ባለስልጣናት ጋር እየተገናኘ የደህንነት ስራዎችን ሲሰራ መቆየቱ በክልሉ ሲቪል ባለስልጣኖች ዘንድ እንዲፈራ አድርጎታል።
ኮማንደሩ ከቁልቢ ገብርኤል በአል ጋር በተያያዘ የጸጥታውን ሁኔታ ለመቃኘት ወደ አካባቢው መንቀሳቀሱን ለማወቅ ተችሎአል። ኮማንደር ጌትነት በ1995 እና 96 በክልሉ ተሰማርተው ነበሩ አድማ በታኝ ፖሊሶችን ማሰልጠኑን፣ በሂደትም ባለው የፖለቲካ ታማኝነት የክልሉ አድማ በታኝ አዛዥ ሆነ ለመሾም መብቃቱን ምንጮች አክለው ገልጸዋል።
 Foto facebook

አንድነት ትብብሩ ውስጥ ለመግባት ያስቀመጣቸው ቅድመ ሁኔታዎች ሊሟሉ ይችላሉን

እያስፔድ ተስፋዬ
Eyasped Tesfaye Semyawi party member
የፓርቲዎች መተባበር እና ጋራ መቆም እጅግ በጣም አስፈላጊ እና አንገብጋቢ የሆነበት ጊዜ ላይ ደርሰናል ብዬ አምናለሁ፡፡ ፓርቲዎች በጋራ መስራታቸው ትልቅ ጠቀሜታ እንዳለው ከሰሞኑ በትብብር በተሰሩት ስራዎች ያስተዋልነው እና ምስክርነት የማያሻው ጉዳይ ነው፡፡ በተለይም ደግሞ በአሁኑ ወቅት የተሻለ አቅም አላቸው የሚባሉት ሰማያዊ፣ አንድነት እና መኢአድ ተባብረው መስራት አለባቸው፡፡ ተነጣጥሎ መስራት የትግሉን እድሜ ከማራዘም ውጪ ምንም ፋይዳ የለውምና፡፡
አንዳንዶች በሰማያዊ እና በአንድነት መካከል ሰፊ የትግል ስትራቴጂ ልዩነት ስላላቸው አንድ ላይ መስራት ይከብዳቸዋል የሚል አስተያየት አላቸው፡፡ በመሬት ላይ ያለው ሀቅ ግን በትግል ስትራቴጂያቸው ላይ የጎላ ልዩነት የሌላቸው መሆኑ ነው፡፡ ነገሮችን በተግባር የማቀዳደም ካልሆነ በስተቀር አንድነትም ሆነ ሰማያዊ ምርጫው ነፃ እንዲሆን መታገላቸው የማይቀር ነው፡፡ እንደውም መድረክም ሳይቀር በፖለቲካ ምህዳሩ ላይ መስተካከል አለባቸው ብሎ የሚያምንባቸውን ቅድመ ሁናቴዎች ማስቀመጡን ገልጧል፡፡
ይህ ከሆነ ታዲያ ለምን በትብብር አንድ ላይ አይሰሩም?
ለመተባበር የአንድነት ቅድመሁናቴዎች ምንድንናቸው?
የአንድነት አመራሮች ከተለያዩ ሚዲያዎች ጋር ካደረጉት ቃለምልልስ እንዲሁም ከአንዳንዶቹ ጋር በግል ካደረኩት ውይይት እንደተረዳሁት ከሆነ አንድነት ፓርቲ ወደ ትብብሩ ለመግባት ሁለት ቅድመሁናቴዎችን አስቀምጧል
1ኛው፡- ትብብሩ ምርጫውን ብቻ ግብ አድርጎ የተመሰረተ የአጭር ግዜ ግብ ብቻ ያለው ሳይሆን ዘላቂ የሆነ የመጨረሻ ግቡም በመግባባት ላይ የተመሰረተ የውህደት ግብ መሆን አለበት የሚል እና
2ኛው፡- የትብብሩ አባል ፓርቲዎች ለትብብሩ ስልጣናቸውን ቆርሰው መስጠት የሚችሉበት እና ትብብሩ ፓርቲዎቹን በአንድ ላይ አስተባብሮ መምራት የሚችልበት መሆን አለበት የሚል ነው፡፡ (ከተሳሳትኩ አንድነቶች አርሙኝ)
እንግዲህ በአንድነት በኩል የተቀመጡት ነጥቦች እንዚህ ከሆኑ ቀጣዩ ጥያቄ የሚሆነው ትብብሩ እንዚህን ቅድመሁናቴዎች ሊያሟላ አይችልም ወይ የሚለው ነው፡፡
በእኔ እይታ ትብብሩ ቅድመሁናቴዎቹን ሊያሟላ ይችላል፤ ይገባልም፡፡ በአሁኑ ወቅት ወደ ውህደት መሄድ ከህግም አንፃር የሚቻል አይደለም ነገር ግን ከምርጫው በኋላ እስከመዋሀድ ለሚደርስ ግብ ለመስራት ከአሁኑ ተስማምቶ፤ አሁን ግን በትብብር እየሰሩ ለመሄድ የሚቸግር ነገር ያለ አይመስለኝም፡፡ ከዚህ ባለፈ ደግሞ የትብብሩ አባል ፓርቲዎች ስልጣናቸውን ለትብብሩ ቆርሰው መስጠታቸው ህብረታቸውን ያጠናክረው ይሆናል እንጂ ምንም ክፋት የለውም፡፡ ፓርቲዎቹ ለትብብሩ ስልጣናቸውን እየቆረሱ መስጠታቸው እንድ ፓርቲ እኔ ያልኩት ብቻ ካልተሰራ ወይም ካልሆነ በሚል በሚያመጣው ሀሳብ የፓርቲዎቹ ግንኙነት እንዳይሻክር ለማድረግ ጠቃሚ መንገድ ነው፡፡ ከዚህም ባለፈ ደግሞ በተለያዩ የሀገሪቱ ክፍሎች የሚገኙትን የፓርቲዎቹን መዋቅሮች በአንድነት እና በማሰናሰል ለማሰራት በር የሚከፍት ነው፡፡
የትብብሩ አመራሮች እና የአንድነት አመራሮች የህዝብን ጥያቄ እና ፍላጎት አድምጣችሁ በቅርቡ አንዳች የምስራች ታሰሙናላችሁ ብዬ እጠብቃለሁ፡፡ ቸር ያሰማን፡፡

ሰበር ዜና – የሥርዐተ ቤተ ክርስቲያን ተጠያቂው ሊቅና ኹለገቡ ባለሞያ ሊቀ ካህናት ክንፈ ገብርኤል አልታዬ ዐረፉ


‹‹ከአንድ ሊቅ በሚጠበቅ መልኩ በተጠያቂነት ደረጃ ሙሉ አገልግሎት በመስጠት መላ ዘመናቸውን አሳልፈዋል›› – የሊቀ ካህናት ክንፈ ገብርኤል አልታዬ ዜና ሕይወት እና ዕረፍት
ከግማሽ ምእት ዓመት በላይ የኢትዮጵያ ኦርቶዶክስ ተዋሕዶ ቤተ ክርስቲያንንና አገራችን ኢትዮጵያን በክህነት፣ በሊቅነት፣ በመምህርነት፣ በአስተዳደር እና በጸሐፊነት ሞያቸው በብቃትና በትጋት ሲያገለግሉ የኖሩት ሊቀ ካህናት ክንፈ ገብርኤል አልታዬ ዐረፉ፡፡
የሊቁ ሊቀ ካህናት ክንፈ ገብርኤል ሞተ ዕረፍት የተሰማው÷ ዛሬ፣ እሑድ ታኅሣሥ ፲፱ ቀን ፳፻፯ ዓ.ም. ከቀትር በኋላ በአዲስ አበባ ቀበና መካነ ሕይወት ጻድቁ አቡነ ገብረ መንፈስ ቅዱስ ቤተ ክርስቲያን ሰበካ ከሚገኘው መኖርያ ቤታቸው ነው፡፡
በመኖርያ ቤታቸው÷ በቤተ ሰዎቻቸውና በወዳጆቻቸው መካከል ያረፉት ሊቀ ካህናት ክንፈ ገብርኤል፣ ከግማሽ ምእት ዓመት በላይ በበርካታ ዘርፎችና በተለያዩ የሓላፊነት ደረጃዎች ሲሠሩ ከኖሩበት የመንበረ ፓትርያርክ ጠቅላይ ቤተ ክህነት ከነበረባቸው ከፍተኛ የደም ግፊትና የነርቭ ሕመም ጋራ በተያያዘ ባለፈው ዓመት ግንቦት ወር በጡረታ የተገለሉ ቢኾንም በመምሪያ ደረጃ የሊቃውንት ጉባኤ አባልነታቸው አገልግሎታቸውን ቀጥለው ቆይተዋል፡፡
ከዘመናችን ሊቃውንተ ቤተ ክርስቲያን መካከል ሊቀ ካህናት ክንፈ ገብርኤል በልዩነት የሚታወቁትና የሚታወሱት÷ ሥርዐተ ቤተ ክርስቲያን (Liturgical Theology) ራሱን ችሎ የቆመ የትምህርት ዘርፍ (discipline) ኾኖ ጎልቶ እንዲወጣና በሥርዐተ ትምህርትም መርሐ ትምህርት ተቀርፆለት እንዲታወቅ÷ በምሁራን አነጋገር የራሱ ጉባኤ እና ወንበር እንዲኖረው÷ ባደረጉበት ጥረታቸውና ድካማቸው ነው፡፡
(ሚያዝያ ፲፱ ቀን ፲፱፻፳፱ ዓ.ም. – ታኅሣሥ ፲፱ ቀን ፳፻፯ ዓ.ም.)
ከትምህርት ቤትና ከመጻሕፍት ያገኙት ዕውቀት አራት ዓይና ያደረጋቸው ሊቁ ሊቀ ካህናት ክንፈ ገብርኤል አልታዬ በተጠያቂነት ደረጃ የሚገኙና አገልግሎታቸውም ሙሉ ነበር፡- ቀዳሽና መዘምር፤ ጋዜጠኛና ሰባኬ ወንጌል፤ ጸሐፊና ተርጓሚ፤ አስተዳዳሪና መምህር፤ የአውራጃ አብያተ ክህነት ሥራ አስኪያጅ፤ ኤርትራን ጨምሮ የአህጉረ ስብከት ዋና ሥራ አስኪያጅ፤ በመንበረ ፓትርያርክ ጠቅላይ ቤተ ክህነት የስምንት መምሪያዎች ምክትልና ዋና ሓላፊ፡፡
ሊቁ በሓላፊነት በተመደቡባቸው ቦታዎች ኹሉ ከፍተኛ ትኩረት የሚሰጡት÷ ሥርዐተ ቤተ ክርስቲያንን ለማስተማር፤ ስብከተ ወንጌልን ለማስፋፋት፤ ሰበካ ጉባኤያትንና ሰንበት ት/ቤቶችን ለማቋቋም፣ ለማደራጀትና ለማጠናከር፤ አገልጋዮች ካህናትን በትምህርትና ሥልጠና በማብቃት አስተዳደርን ለማሻሻልና ተጠቃሚ ለማድረግ፣ የቤተ ክርስቲያንን የውስጥ ድርጅት በንዋያተ ቅድሳትና በጽ/ቤት መገልገያዎች ለማሟላት እንደነበር ዜና ሕይወታቸው በስፋት አትቷል፡፡
የአብነት ት/ቤቶችን፣ የካህናት ማሠልጠኛዎችንና ኮሌጆችን በበላይነት በሚያስተባብረው የመንበረ ፓትርያርክ ጠቅላይ ቤተ ክህነት የትምህርትና ማሠልጠኛ መምሪያ ለሦስት ጊዜያት በዋና ሓላፊነት ተመድበው የላቁ ተግባራትን አከናውነዋል፡፡ ከእኒኽም በመንግሥት የተወረሱ 27 መንፈሳውያንና ዘመናውያን ት/ቤቶችን በተለይም የቅድስት ሥላሴ መንፈሳዊ ኮሌጅ እንዲመለስ ለብፁዕ ወቅዱስ አቡነ ጳውሎስ ሐሳብ በማቅረብና በቅ/ሲኖዶስ ከተወሰነም በኋላ የበኩላቸውን ክትትል በማድረግ መንፈሳዊ ኮሌጁ ለቤተ ክርስቲያናችን ተመልሷል፡፡
በመምሪያ ደረጃ የሊቃውንት ጉባኤ አባል ኾነው ከተመደቡበት ጥቅምት ወር ፲፱፻፹፰ ዓ.ም. ጀምሮ እስከ ዕለተ ዕረፍታቸው መዳረሻ ከሌሎች ሊቃውንት ጋራ በመኾን ካከናወኗቸው ተግባራት መካከል÷ ቤተ ክርስቲያናችን የራስዋ የተጣራ መጽሐፍ ቅዱስ እንዲኖራት 81 ቅዱሳት መጻሕፍትን በግእዝ ቋንቋ መሠረትነት አርመውና አስተካክለው ለኅትመት አብቅተዋል፡፡ ለካህናትና ምእመናን በሴሚናር ሲያሰለጥኑበት የቆዩት የቃለ ዐዋዲ ደንብ ለሦስተኛ ጊዜ ሲሻሻል የበኩላቸውን ተሳትፎ አድርገዋል፡፡ ‹‹የኢትዮጵያ ኦርቶዶክስ ተዋሕዶ ቤተ ክርስቲያን እምነት፣ ሥርዐተ አምልኮትና የውጭ ግንኙነት›› መጽሐፍ ከሊቃውንት ጉባኤ አባላት ጋራ በአንድነት አዘጋጅተው ለምእመናን እንዲዳረስ አድርገዋል፡፡ በርካታ የቅዱሳን ገድላትና የመላእክት ድርሳናት ከግእዝ ወደ አማርኛ ቋንቋ መልሰዋል፡፡
የቤተ ክህነት ሥነ ጽሕፈት ኮሚቴ አባል በመኾን በዐበይት የቤተ ክርስቲያን በዓላት በሚወጡ ኅትመቶችና በሚሠራጩ የሬዲዮ መግለጫዎች በቅዱሳት መጻሕፍት ማስረጃዎችና በምርምር የተደገፉ፤ አንባቢንና አድማጭን የሚያረኩ በርካታ ጽሑፎችን በማቅረብ በሕዝበ ክርስቲያኑ ዘንድ ተወዳጅነትን ያተረፉ ታላቅ ምሁር ነበሩ፡፡ በግል አዘጋጅተው ካሳተሟቸው መጻሕፍት መካከል ‹‹ሥርዓተ ቤተ ክርስቲያን››፤ ‹‹ሳታዩት የምትወዱት›› በሚል ለትምህርትና ለተግሣጽ ባሰራጯቸው ሥራዎቻቸው ለሥርዓተ ቤተ ክርስቲያንና ለነገረ ሃይማኖት መጠበቅ ተከራክረዋል፤ ተሟግተዋል፡፡ በተለይም ሥርዐተ ቤተ ክርስቲያን በኮሌጅ ደረጃ እንደ አንድ የትምህርት ዘርፍ ራሱን ችሎ የቆመ የትምህርት ክፍል ኾኖ እንዲሰጥ ግንባር ቀደም አስተዋፅኦ አድርገዋል፤ መጽሐፉም በኮሌጆችና በካህናት ማሠልጠኛዎች ለመምህራንና ለተማሪዎች መመሪያና ማጣቀሻ ኾኖ በማገልገል ላይ ይገኛል፡፡
የሊቀ ካህናት ክንፈ ገብርኤል አገልግሎት ዓለም አቀፋዊም ነበር፡፡ ከግንቦት ፲፬ – ፴ ቀን ፲፱፻፸፯ ዓ.ም. የያሬዳዊ ማሕሌትን ዐውደ ትርኢት በምዕራብ ጀርመን ለማሳየት ከተመረጡት ሊቃውንት አንዱ በመኾን የማሕሌታችንን ሥርዐት አሳይተው ተመልሰዋል፡፡ እ.አ.አ ከሐምሌ ፱ – ፲፭ ቀን ፲፱፻፶፭ ዓ.ም. ‹‹ክርስቶስን ዛሬ መስበክ›› በሚል ርእስ በእስክንድርያ በተደረገው የዓለም አብያተ ክርስቲያናት ጉባኤ የቤተ ክርስቲያናችን መልእክተኛ በመኾን ጥንታዊ እምነቷንና ሥርዐቷን በቃልም በጽሑፍም በመግለጥ ተሳትፈዋል፡፡ በየመንና በጅቡቲ ለሚኖሩ ምእመናን ለበርካታ ጊዜ እየተመላለሱ መንፈሳዊና ሐዋርያዊ አገልግሎት ሰጥተዋል፡፡፡
* * *
ከደግ ቤተሰብ ተገኝተው በመልካም አስተዳደግ የወጡት ሊቀ ካህናት ክንፈ ገብርኤል አልታዬ በትዳራቸውም የጋብቻ ጽናት ምሳሌነታቸውን በተግባር ያረጋገጡ ናቸው፡፡ ጥር ፲፪ ቀን ፲፱፻፶፭ ዓ.ም. በተክሊልና በሥርዐተ ቁርባን ካገቧቸው የሕግ ባለቤታቸው ወ/ሮ ድጋፍ ወርቅ ፈቄ ጋራ የ፶ኛ ዓመት የብር ኢዮቤልዩ የጋብቻ በዓላቸውን ከኹለት ዓመት በፊት አክብረው ነበር፡፡ ስምንት ልጆችንና ዐሥር የልጅ ልጆችን አፍርተውም ለወግ ለማዕርግ አብቅተዋል፡፡
ሊቀ ካህናት ክንፈ ገብርኤል በሢመተ ክህነት÷ በ፲፱፻፵፩ ዓ.ም. ከብፁዕ ወቅዱስ አቡነ ባስልዮስ ማዕርገ ዲቁና፤ ሰኔ ፲፩ ቀን ፲፱፻፶፱ ዓ.ም. ከብፁዕ አቡነ ቄርሎስ ሢመተ ቅስና ተቀብለዋል፡፡ የትምህርት ዝግጅታቸው በዜማ፣ በአቋቋም፣ በቅኔና በነገረ ሃይማኖት ላይ ያተኮረ ኾኖ ትርጓሜ መጻሕፍትንና የቤተ ክርስቲያን ታሪክን ከተለያዩ ሊቃውንት በመማር ምስጢር አደላድለዋል፡፡ በ፲፱፻፶፫ ዓ.ም. ከቅድስት ሥላሴ መንፈሳዊ ኮሌጅ በከፍተኛ የነገረ መለኰት ትምህርት የቴዎሎጂ ዲፕሎማ ተቀብለዋል፡፡ በቅድስት ሥላሴ ት/ቤት እና በዳግማዊ ምኒልክ የአንደኛና የኹለተኛ ደረጃ ት/ቤት ትምህርታቸውን ተምረው አጠናቀዋል፡፡
* * *
‹‹በዕለተ ሰንበትና በዐበይት በዓላት እየቀደሱና እያወደሱ፣ በሥራ ቀናት በቢሮ እየሠሩ፣ ለምእመናን ወንጌል እየሰበኩ፣ በመንፈሳዊ ኮሌጆችና በካህናት ማሠልጠኛዎች እያስተማሩና እያሠለጠኑ ከአንድ ሊቅ በሚጠበቅ መልኩ በተጠያቂነት ደረጃ በመላው ኢትዮጵያ እየተዘዋወሩ ከግማሽ ምእት ዓመት በላይ ሙሉ አገልግሎት ሲያበረክቱ ኑረዋል፡፡

    ዕረፍቱ ለሊቀ ካህናት ክንፈ ገብርኤል አልታዬ (ሚያዝያ 19 ቀን 1929 – ታኅሣሥ 19 ቀን 2007 ዓ.ም.)
በቀድሞው የሸዋ ክፍለ ሀገር በይፋት አውራጃ በማፉድ ወረዳ በደብረ ምሥራቅ ሾተል ዓምባ በኣታ ለማርያም አጥቢያ ሚያዝያ ፲፱ ቀን ፲፱፻፳፱ ዓ.ም. ተወለዱ፡፡ ስማቸው ክንፈ ገብርኤል፤ ያረፉትም የሊቀ መላእክት ቅዱስ ገብርኤል ዋናው በዓል በሚከበርበት በታኅሣሥ ገብርኤል፤ ኹሉን ማድረግ የሚችል አምላክ ለነፍሳቸው ዕረፍተ መንግሥተ ሰማያትን ያድልልን፤ ለቤተሰቦቻቸውና ለወዳጆቻቸው መጽናናትን ይስጥልን፤ በእርሳቸው እግር ምሁራንን እንዲተካልን ፈጣሪን በጸሎት እንለምነዋለን፡፡››
ዜና ሕይወቱ ወዕረፍቱ ለሊቀ ካህናት ክንፈ ገብርኤል አልታዬ
፩. ልደትና ልህቀት
ሊቀ ካህናት ክንፈ ገብርኤል አልታዬ ሚያዝያ 19 ቀን 1929 ዓ.ም. ከአባታቸው ከአቶ አልታዬ ናደውና ከእናታቸው ከወ/ሮ በለጥሻቸው እርዳቸው በቀድሞው ሸዋ ክፍለ ሀገር በይፋት አውራጃ በማፉድ ወረዳ በደብረ ምሥራቅ ሾተል ዓምባ በኣታ ለማርያም አጥቢያ ተወለዱ፡፡ የሕፃንነት ጊዜአቸውን በቤተሰቦቻቸው በመልካም አስተዳደግ ካሳለፉና የሕፃንነት ደረጃ ካለፉ በኋላ እንደ አገሩ ልማድ ቤተሰቦቻቸውን በመርዳት ለአባትና እናታቸው እየታዘዙና እያገለገሉ አደጉ፡፡
፪. ትምህርትና መዋዕለ ውርዝውና
ሊቀ ካህናት ክንፈ ገብርኤል አልታዬ ዕድሜአቸው ለትምህርት እንደ ደረሰ ለመንፈሳዊ ትምህርት ባላቸው ዝንባሌ በትውልድ ሀገራቸው በደብረ ምሥራቅ ሾተል ዓምባ በኣታ ለማርያም፡- ከመምሬ መሸሻ ካሳዬ ፊደል፣ ንባብና ጽሕፈት፤ ከአለቃ ተሰማ ወልደ ጊዮርጊስ ዜማና አቋቋም በሚገባ ተምረው አጠናቀዋል፡፡
ከዚኽ በኋላ በ1948 ዓ.ም. ወደ አዲስ አበባ ከተማ መጥተው በዳግማዊ ምኒልክ መታሰቢያ ታዕካ ነገሥት በኣታ ለማርያም ገዳም መንፈሳዊ ት/ቤት ገብተው፡- ከሊቀ ጠበብት አክሊለ ብርሃን ወልደ ኪሮስ የአማርኛ ሰዋስው፤ ከመጋቤ ምስጢር ጌራ ወርቅ ጥበቡና ከመልአከ አርያም ይትባረክ መርሻ ቅኔና የግእዝ ቋንቋ ከነአገባቡ በሚገባ ተምረውና አደላድለው በመምህርነት ተመርቀዋል፡፡ በተጨማሪም በዚኹ ት/ቤት ከቀኝ ጌታ ሞገስ ሥዩምና ከሊቀ ጠበብት ሐረገ ወይን ደምሴ የአቋቋም ትምህርታቸውን አስፋፍተው ተምረዋል፡፡
ሊቀ ካህናት ክንፈ ገብርኤል አልታዬ ለትምህርት የነበራቸው ፍላጎት ከፍተኛ የነበረ በመኾኑ በተማሯቸው ልዩ ልዩ ትምህርቶች ሳይወሰኑ፡- ከአለቃ አዘዘ መጻሕፍተ ብሉያት፤ ከመ/ር ሙሉጌታ መጻሕፍተ ሐዲሳት፤ ከመልአከ ሰላም ሳሙኤል ተረፈና ከሊቀ ሥልጣናት ኤልያስ (በኋላ ብፁዕ አቡነ ኒቆዲሞስ) ነገረ ሃይማኖት(ዶግማ)፤ ከመ/ር ወንድም አገኘኹ እና ከአለቃ ይኩኖ የቤተ ክርስቲያን ታሪክ፤ ከዶክተር አበበ እና ከረዳት ፕሮፌሰር ሉሌ መልአኩ እንዲኹም ከአለቃ ወልደ ኢየሱስ የዓለም ቤተ ክርስቲያን ታሪክ በሚገባ ተምረዋል፡፡
በ1951 ዓ.ም. በቅድስት ሥላሴ መንፈሳዊ ኮሌጅ ገብተው በኮሌጁ የሚሰጠውን ከፍተኛ የነገረ መለኰት ትምህርት ለሦስት ተከታታይ ዓመታት ተምረው በ1953 ዓ.ም. ከግርማዊ ቀዳማዊ ዐፄ ኃይለ ሥላሴ ንጉሠ ነገሥት ዘኢትዮጵያ እጅ የቴዎሎጂ ዲፕሎማ ተቀብለው የግእዝ የአማርኛ ቋንቋና የነገረ ሃይማኖት መምህር ኾነው ተመርቀዋል፡፡
የዘመናዊ ትምህርትን በሚመለከትም በዚኹ በቅድስት ሥላሴ ት/ቤትና በዳግማዊ ምኒልክ ት/ቤት የአንደኛና የኹለተኛ ደረጃ ትምህርታቸውን ተምረው አጠናቀዋል፡፡
ሊቁ ሊቀ ካህናት ክንፈ ገብርኤል አልታዬ በጉባኤ ያልሰሟቸውና በግል ያላነበቧቸው መጻሕፍት የሉም ብንል ማጋነን አይኾንም፡፡ በዚኽም መሠረት ከትምህርት ቤትና ከመጻሕፍት ያገኙት ዕውቀት ሙሉዕ በኩለሄ፣ አራት ዓይና ስለአደረጋቸው ለቅድስት ቤተ ክርስቲያናችን በተጠያቂነት ደረጃ ሙሉ አገልግሎት በመስጠት መላ ዘመናቸውን እንዲያሳልፉ አድርጓቸዋል፡፡
፫. ሢመተ ክህነትና አገልግሎት
በ1941 ዓ.ም. ከብፁዕ ወቅዱስ አቡነ ባስልዮስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ የዲቁና ማዕርግ ተቀብለው የተወለዱባትን የሾተል ዓምባ በኣታ ለማርያም ቤተ ክርስቲያን፤ የተማሩባትን የታዕካ ነገሥት በኣታ ለማርያም ገዳም በቅዳሴ፣ በመዘምርነትና በስብከተ ወንጌል ዘርፍ አገልግለዋል፡፡
በ1954 ዓ.ም. የመንዝና ይፋት አውራጃ ቤተ ክህነት ሰባኬ ወንጌል ኾነው እየተዘዋወሩ በማስተማር ሐዋርያዊ አገልግሎት አበርክተዋል፡፡ በዚኹ ጊዜም በደብረ ሲና መድኃኔ ዓለም ቤተ ክርስቲያን የሰንበት ት/ቤት አቋቁመዋል፡፡
በዚያው በ1954 ዓ.ም. የኢትዮጵያ ኦርቶዶክስ ተዋሕዶ ቤተ ክርስቲያን ለመላው የኢትዮጵያ ሕዝብ በሬዲዮ ትምህርት እንድትሰጥ መንግሥት ሲፈቅድ፣ ቀደም ሲል ተመርቀው ለወንጌል አገልግሎት ከተሰማሩት ሊቃውንት መካከል ሊቀ ካህናት ክንፈ ገብርኤል አልታዬ አንዱ በመኾን ተመርጠው የመንበረ ፓትርያርክ ጠቅላይ ጽ/ቤት የታሪክና ድርሰት ክፍል ባልደረባ ኾነው ለዐሥር ዓመታት ያኽል የወንጌልን ቃል በምሥራች ሬዲዮ፣ በጋዜጣና በመጽሔት በማሰራጨት ለቤተ ክርስቲያን፣ ለሀገርና ለወገን ሰፊ አገልግሎት አበርክተዋል፡፡
በ1956 ዓ.ም. በሬዲዮ ሲተላለፍ የነበረው ያሬዳዊ ዜማና መዝሙር ሓላፊ፤ በ1958 ዓ.ም. የዜና ቤተ ክርስቲያን ጋዜጣ ምክትል አዘጋጅ፤ በ1960 ዓ.ም. የጠይቆ መረዳት መርሐ ግብር አዘጋጅ፤ በ1961 ዓ.ም. የዜና ቤተ ክርስቲያን ጋዜጣ ዋና አዘጋጅ፣ የድርሰትና ሥነ ጽሑፍ ክፍል ሓላፊ በመኾን መንፈሳዊ አገልግሎት በስፋትና በብቃት ሰጥተዋል፡፡ የዜና ቤተ ክርስቲያን ጋዜጣ ዋና አዘጋጅ በነበሩበት ጊዜም የጋዜጣውን ሥነ ጽሕፈትና ቴክኒክ በማሻሻል ዘመናዊ ውበት እንዲኖረው፣ የጋዜጣ መልእክና ቅርፅ እንዲይዝ በማድረጋቸው የጋዜጣው 25ኛ ዓመት የብር ኢዮቤልዩ በዓል በተከበረበት በ1962 ዓ.ም. በወቅቱ የጠቅላይ ቤተ ክህነት ዋና ሥራ አስኪያጅ ከነበሩት ከክቡር ንቡረ እድ ድሜጥሮስ እጅ ሽልማትና የምስጋና ምስክር ወረቀት ተሰጥቶአቸዋል፡፡
ሊቁ ሊቀ ካህናት ክንፈ ገብርኤል አልታዬ ለቤተ ክርስቲያን የተሟላ አገልግሎት ለመስጠት ፍጹም ሐሳብና ዕቅድ ስለነበራቸው ሰኔ 11 ቀን 1959 ዓ.ም. ከብፁዕ አቡነ ቄርሎስ ሊቀ ጳጳስ ሢመተ ቅስና ተቀብለው በዕለተ ሰንበትና በዐበይት በዓላት እየቀደሱና እያወደሱ፣ በሥራ ቀናት በቢሮ እየሠሩ፣ ለምእመናን ወንጌል እየሰበኩ፣ በመንፈሳዊ ኮሌጆችና በካህናት ማሠልጠኛዎች እያስተማሩና እያሠለጠኑ ከአንድ ሊቅ በሚጠበቅ መልኩ የድርሻቸውን ከግማሽ ምእት ዓመት በላይ በአዲስ አበባና በመላ ኢትዮጵያ እየተዛወሩ ሲያበረክቱ ኑረዋል፡፡
በ1966 ዓ.ም. በሸዋ ሀገረ ስብከት የየረርና ከረዩ አውራጃ ቤተ ክህነት ሥራ አስኪያጅ በመኾን ተሹመው በነበረበት ወቅት የናዝሬት ካህናት ማሠልጠኛን በራስ አገዝ መርሐ ግብር ከፍተው ካህናትን በማሠልጠን ሥርዐተ ቤተ ክርስቲያንን በማስተማር ተዳክሞ የነበረውን ሰበካ ጉባኤ እንደገና በማቋቋምና በማጠናከር በየአብያተ ክርስቲያናቱ የሰንበት ት/ቤቶችን በማቋቋም በፈጸሙት ሐዋርያዊ ተግባር የአውራጃው ካህናትና ምእመናን ምን ጊዜም ሲያስታውሷቸው ይኖራሉ፡፡
በ1967 ዓ.ም. የሰበካ ጉባኤ ማደራጃ መምሪያ ዋና ጸሐፊ ኾነው እንዲሠሩ ተመድበው የነበሩ ሲኾን ከዚኹ ሓላፊነታቸው በተጨማሪ የቀበና መካነ ሕይወት ጻድቁ አቡነ ገብረ መንፈስ ቅዱስ ቤተ ክርስቲያን አስተዳዳሪ ኾነው እንዲሠሩ በታኅሣሥ ወር 1967 ዓ.ም. በብፁዕ ወቅዱስ አቡነ ቴዎፍሎስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ተሹመዋል፡፡ በዚኹ ሓላፊነታቸው የሰበካውን ምእመናን በማስተባበር ፈርሶ የነበረውን ሰበካ ጉባኤ በማቋቋምና በማደራጀት፣ የቤተ ክርስቲያኑን አስተዳደር በማሻሻል በነፃ ያገለግሉ ለነበሩት የደብሩ ካህናት በጀት በማስፈቀድ የወር ደመወዝተኞች እንዲኾኑ አድርገዋል፤ የቤተ ክርስቲያኑን የውስጥ ድርጅት፣ የጎደሉ ንዋያተ ቅድሳትን፣ አልባሳትንና መጻሕፍትን በማሟላት እንዲኹም ጽ/ቤቱን በማቋቋምና በማደራጀት ለቤተ ክርስቲያን የዕድገት መሠረት ጥለዋል፡፡
ይህንኑ የአስተዳደር ሓላፊነት እንደያዙ በጥር ወር 1968 ዓ.ም. የካህናት አስተዳደር መምሪያ ሓላፊ (መጋቤ ካህናት) ተብለው ተሹመው አገልግለዋል፡፡
በጥቅምት ወር 1969 ዓ.ም. የኤርትራ ሀገረ ስብከት ዋና ሥራ አስኪያጅ፤ በሰኔ ወር 1969 ዓ.ም. የካፋ ሀገረ ስብከት ዋና ሥራ አስኪያጅ ኾነው በመሾም በየአብያተ ክርስቲያናቱ ተዳክሞ የነበረውን ሰበካ ጉባኤ በማቋቋምና በማደራጀት አስተዳደሩን በማሻሻል ሥርዐተ ቤተ ክርስቲያንን በማስተማርና በተለይም ሥርዐተ ቅዳሴው በልዩ ሥርዐት እንዲመራ በማድረግ ከፍተኛ አገልግሎት አበርክተዋል፡፡
በ1971 ዓ.ም. የጠቅላይ ቤተ ክህነት ትምህርትና ማሠልጠኛ መምሪያ ምክትል ሓላፊ፤ በ1972 ዓ.ም. ሊቀ ካህናት ተብለው በመሾም የአዲስ አበባ ደቡብ አውራጃ ቤተ ክህነት ሥራ አስኪያጅ ኾነው በብፁዕ ወቅዱስ አቡነ ተክለ ሃይማኖት ፓትርያርክ ርእሰ ሊቃነ ጳጳሳት ዘኢትዮጵያ ተሹመው ቃለ ዐዋዲውን ለካህናትና ምእመናን በሴሚናር በማስጠናትና የቤተ ክርስቲያንን አስተዳደር በማስተማር ሰበካ ጉባኤን በሚገባ አደራጅተው ለአኹኑ ውጤት ያበቁ የቤተ ክርስቲያናችን ባለውለታ አባት ነበሩ፡፡
በ1976 ዓ.ም. የጠቅላይ ቤተ ክህነት አስተዳደር መምሪያ ምክትል ሓላፊ፤ በ1978 ዓ.ም. በጠቅላይ ቤተ ክህነት የገንዘብና ንብረት አስተዳደር መምሪያ ምክትል ሓላፊ፤ በ1979 ዓ.ም. በጠቅላይ ቤተ ክህነት የቁጥጥር አገልግሎት ተ/መምሪያ ሓላፊ፤ በ1980 ዓ.ም. የበጀትና ንብረት አስተዳደር መምሪያ ሓላፊ፤ በ1983 ዓ.ም. የስብከተ ወንጌልና ሐዋርያዊ ተልእኮ መምሪያ ሓላፊ፤ በ1987 ዓ.ም. የሰዋስወ ብርሃን ቅዱስ ጳውሎስ መንፈሳዊ ኮሌጅ ምክትል ዲን በመኾን ዘርፈ ብዙ አገልግሎት አበርክተዋል፡፡
ሊቀ ካህናት ክንፈ ገብርኤል፣ ሐምሌ 1983 ዓ.ም. ለሦስተኛ ጊዜ የትምህርትና ማሠልጠኛ መምሪያ ሓላፊ ኾነው በተመደቡበት ወቅት በደርግ መንግሥት የተወረሱና የቤተ ክርስቲያን ንብረት የኾኑ 27 መንፈሳውያንና ዘመናውያን ት/ቤቶች ለቤተ ክርስቲያን እንዲመለሱ አድርገዋል፤ እንዲኹም የቅድስት ሥላሴ መንፈሳዊ ኮሌጅ እንዲመለስ ለብፁዕ ወቅዱስ አቡነ ጳውሎስና ለቅዱስ ሲኖዶስ ሐሳብ በማቅረብና በመከታተል ጉዳዩ በቅዱስ ሲኖዶስ ተወስኖ ጥያቄው ለመንግሥት እንዲቀርብ የበኩላቸውን ጥረት አድርገዋል፤ መንፈሳዊ ኮሌጁም በቅዱስነታቸው ያላሰለሰ ክትትል ለቤተ ክርስቲያናችን ተመልሷል፡፡
የሊቀ ካህናት ክንፈ ገብርኤል አገልግሎት ዓለም አቀፋዊም ነበር፡፡ ከግንቦት ፲፬ – ፴ ቀን ፲፱፻፸፯ ዓ.ም. የያሬዳዊ ማሕሌትን ዐውደ ትርኢት በምዕራብ ጀርመን ለማሳየት ከተመረጡት ሊቃውንት አንዱ በመኾን የማሕሌታችንን ሥርዐት አሳይተው ተመልሰዋል፡፡ እ.አ.አ ከሐምሌ ፱ – ፲፭ ቀን ፲፱፻፶፭ ዓ.ም. ‹‹ክርስቶስን ዛሬ መስበክ›› በሚል ርእስ በእስክንድርያ በተደረገው የዓለም አብያተ ክርስቲያናት ጉባኤ የቤተ ክርስቲያናችን መልእክተኛ በመኾን ጥንታዊ እምነቷንና ሥርዐቷን በቃልም በጽሑፍም በመግለጥ ተሳትፈዋል፡፡ በየመንና በጅቡቲ ለሚኖሩ ምእመናን ለበርካታ ጊዜ እየተመላለሱ መንፈሳዊና ሐዋርያዊ አገልግሎት ሰጥተዋል፡፡
በነሐሴ 1987 ዓ.ም. በብፁዕ ወቅዱስ አቡነ ጳውሎስ ፓትርያርክ መልካም ፈቃድ የዩኒቨርስቲ ተማሪዎች÷ የመጽሐፍ ቅዱስ ጥናት፣ ትምህርተ ሃይማኖት፣ ቀኖና ቤተ ክርስቲያንና ነገረ መለኰት አስተምረዋል፤ ሰብከዋል፡፡ በዚኽም አገልግሎታቸው ፑና ከሚገኘው የቅዱስ ቶማስ ቤተ ክርስቲያን ስጦታና ሽልማት ተበርክቶላቸዋል፡፡
በጥቅምት 1988 ዓ.ም. የሊቃውንት ጉባኤ አባል ኾነው በመመደብ ከሌሎች ሊቃውንተ ቤተ ክርስቲያን ጋራ በመኾን የቃለ ዐዋዲ ደንብ አሻሽለዋል፡፡ ‹‹የኢትዮጵያ ኦርቶዶክስ ተዋሕዶ ቤተ ክርስቲያን እምነት፣ ሥርዐተ አምልኮትና የውጭ ግንኙነት›› በሚል ርእስ መጽሐፍ አዘጋጅተው ለኅትመት አብቅተዋል፡፡ ‹‹በዐድዋ ጦርነትና ድል የኢትዮጵያ ኦርቶዶክስ ተዋሕዶ ቤተ ክርስቲያን ድርሻ›› በሚል ርእስ ለዐድዋ ድል ፻ኛ ዓመት መታሰቢያ መጽሐፍ አዘጋጅተዋል፡፡
የኢትዮጵያ ቤተ ክርስቲያን የራስዋ የተጣራ መጽሐፍ ቅዱስ እንዲኖራት ከሌሎች የሊቃውንት ጉባኤ ባልደረቦቻቸው ጋር በጋራ በመኾን 81 ቅዱሳት መጻሕፍትን በግእዝ ቋንቋ መሠረትነት አርመውና አስተካክለው ለኅትመት አብቅተዋል፡፡ በተጨማሪም ‹‹ሥርዐተ አምልኮ›› የተሰኘውን መጽሐፍ ከሊቃውንት ጉባኤ አባላት ጋራ በአንድነት በማዘጋጀት ለምእመናን እንዲዳረስ አድርገዋል፡፡
የቤተ ክህነት ሥነ ጽሕፈት ኮሚቴ አባል በመኾን በዐበይት የቤተ ክርስቲያን በዓላት በሚወጡ ኅትመቶችና በሚሠራጩ የሬዲዮ መግለጫዎች በቅዱሳት መጻሕፍት ማስረጃዎችና በምርምር የተደገፉ፤ አንባቢንና አድማጭን የሚያረኩ በርካታ ጽሑፎችን በማቅረብ በሕዝበ ክርስቲያኑ ዘንድ ተወዳጅነትን ያተረፉ ታላቅ ምሁር ነበሩ፡፡
ሊቀ ካህናት ክንፈ ገብርኤል በግል አዘጋጅተው ካሳተሟቸው መጻሕፍት መካከል ‹‹ሥርዓተ ቤተ ክርስቲያን››፤ ‹‹ሳታዩት የምትወዱት›› የተሰኙና በዚኽ ጽሑፍ ያልተጠቀሱ ለትምህርትና ተግሣጽ በሚጠቅሙ እጅግ በርካታ ሥራዎቻቸው ለሥርዓተ ቤተ ክርስቲያንና ለነገረ ሃይማኖት መጠበቅ ተከራክረዋል፤ ተሟግተዋል፡፡ በተለይም ሥርዐተ ቤተ ክርስቲያን በኮሌጅ ደረጃ እንደ አንድ የትምህርት ዘርፍ ራሱን ችሎ የቆመ የትምህርት ክፍል ኾኖ እንዲሰጥ ግንባር ቀደም አስተዋፅኦ አድርገዋል፤ መጽሐፋቸውም በኮሌጆችና በካህናት ማሠልጠኛዎች ለመምህራንና ለተማሪዎች መመሪያና ማጣቀሻ ኾኖ በማገልገል ላይ ይገኛል፡፡
ሥርዐተ ቤተ ክርስቲያን በመጽሐፈ ሲኖዶስ፣ በፍትሐ ነገሥት በሌሎችም የሥርዓት መጻሕፍት በሰፊው ተወስኖ ተጽፎዋል፡፡ ይኹን እንጂ ምእመናን ጥልቅና ምጡቅ የኾነውን የቤተ ክርስቲያን ሥርዓት በመጠኑም ቢኾን ለመማርና ለማስተማር፣ ለማወቅና ሥርዓቱን ለመፈጸም እንዲችሉ በማሰብ ይህ ‹‹ሥርዐተ ቤተ ክርስቲያን›› መጽሐፍ በአስተዋፅኦ መልክ (በማውጣጣት) ተዘጋጅቷል፡፡
መጽሐፉ የቤተ ክርስቲያንን ሥርዓትና ምስጢር በቅድሚያ አመሠራረቱን መነሻውን፣ ከዚያም አመጣጡንና ታሪኩን፣ አሠራሩንና አፈጻጸሙን ይገልጣል፡፡ በአጠቃላይ አነጋገር መጽሐፉ የገለጠው ሰባቱ ሥርዐተ ቤተ ክርስቲያን እንዲኹም ሥርዐተ ቤተ መቅደስ እና ሥርዐተ ጸሎት ኹሉ በመጻሕፍተ ብሉያት፣ በመጻሕፍተ ሐዲሳት፣ በመጽሐፈ ሲኖዶስ እና በፍትሐ ነገሥት የተሠራውንና በቀኖና ቤተ ክርስቲያን የተወሰነውን እንጂ ከዚያ ምንጭነት የማያልፍ የማይወጣ ስለኾነ ‹‹ሥርዐተ ቤተ ክርስቲያን›› ተብሎ ተሰይሟል፡፡ /ከመጽሐፉ መግቢያ የተወሰደ/
በትርጉም ደረጃ በርካታ የቅዱሳን ገድላትና የመላእክት ድርሳናት ከግእዝ ወደ አማርኛ ቋንቋ መልሰዋል፡፡ በተጨማሪም በግራ ጌታ ኃይለ ጊዮርጊስ በግእዝ የተዘጋጀ የልዑል ራስ መኰንን እና የዐፄ ኃይለ ሥላሴ ዜና መዋዕል በልዕልት ተናኘ ወርቅ አሳሳቢነት ከግእዝ ወደ አማርኛ ቋንቋ መልሰዋል፡፡
ሊቀ ካህናት ክንፈ ገብርኤል አልታዬ የሕግ ባለቤታቸው የኾኑትን ወ/ሮ ድጋፍ ወርቅ ፈቄን በተክሊልና በሥርዐተ ቁርባን ጥር 12 ቀን 1955 ዓ.ም. አግብተው አራት ወንዶችና አራት ሴቶች ልጆች እንዲኹም 10 የልጅ ልጆችን አፍርተውና አስተምረው ለማዕርግ አብቅተዋል፡፡ የ50ኛ ዓመት የብር ኢዮቤልዩ የጋብቻ በዓላቸውን ከኹለት ዓመታት በፊት አክብረው የጋብቻ ጽናት ምሳሌነታቸውን በተግባር አረጋግጠዋል፡፡
ዜና ዕረፍት
    ከጥቂት ዓመታት ወዲኽ ባደረባቸው ሕመም ምክንያት በሕክምና ሲረዱ ቆይተው በተወለዱ በ78 ዓመታቸው ከሚወዱት ቤተሰባቸውና የመንፈስ ልጆቻቸው ተለይተው ታኅሣሥ 19 ቀን 2007 ዓ.ም. ከዚኽ ዓለም በሞተ ሥጋ ተለይተዋል፡፡
    ሥርዓተ ቀብራቸውም ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወእጨጌ ዘመንበረ ተክለ ሃይማኖት፣ ብፁዓን ሊቃነ ጳጳሳት፣ የቤተ ክርስቲያን ሓላፊዎች፣ የሥራ ባልደረቦቻቸው፣ ልጆቻቸውና ዘመዶቻቸው በተገኙበት ታኅሣሥ 20 ቀን 2007 ዓ.ም. ከቀኑ በ9፡00 በመንበረ ጸባኦት ቅድስት ሥላሴ ካቴድራል በክብር ተፈጽሟል፡፡
    ኹሉን ማድረግ የሚችል አምላክ ለነፍሳቸው ዕረፍተ መንግሥተ ሰማያትን እንዲያድልልንና ለቤተሰቦቻቸውም መጽናናትን እንዲሰጥልን በእርሳቸውም እግር ምሁር እንዲተካልን ፈጣሪን በጸሎት እንለምነዋለን፡፡
    ወስብሐት ለእግዚአብሔር

wanted officials