ታላቅ የሰላማዊ ሰልፍ ጥሪ ለአዲስ አበባ እና ለአከባቢዋ ነዋሪዎች በሙሉ

በሀገራችን ነፃ፣ ፍትሐዊ፣ ዴሞክራሲያዊና ታአማንነት ያለው ምርጫ እውን ለማድረግና የምርጫ ሜዳውን ለሁሉም እኩል
የተመቻቸ እንዲሆን ለማድረግ እንዲቻል የኢትዮጵያ ፌዴራላዊ ዴሞክራሲያዊ አንድነት መድረክ በተደጋጋሚ ላቀረበለት ሰላማዊና
ሕጋዊ ጥያቄ የኢህአዴግ አገዛዝ እየሰጠ ያለውን የአሻፈረኝ ምላሽና በተቃዋሚ ፓርቲ አባላት ላይ እያካሄደ የሚገኘውን
እስራትና ወከባ ለመቃወም መድረክ ለአዲስ አበባና ለአከባቢዋ ነዋሪዎች ታህሳስ 5 ቀን 2007 ዓ ም የሚካሄድ የተቃውሞ
ሰላማዊ ሰልፍ ጠርቷል፡፡

ሰላማዊ ሰልፉ ከግንፍሌ ወንዝ ድልድይ በመነሳት በቀበና ወንዝ ድልድይና በባልደራስ በኩል አድርጎ ወረዳ 8 ኳስ ሜዳ
ድርስ ከጠዋቱ 3፡00 ሰአት እስከ ከቀኑ 7፡00 ሰአት ድረስ ይካሄዳል፡፡ ስለዚህም የአዲስ አበባና አከባቢዋ ነዋሪዎች
በሙሉ በዚሁ ታላቅ ሰላማዊ ሰልፍ እንዲሳተፉና በሰላማዊ ትግሉ ድርሻቸውን እንዲያበረክቱ መድረክ ከታላቅ አክብሮት ጋር
ጥሪውን ያስተላልፋል፡፡

ድል ለሰላማዊና ሕዝባዊ ትግላችን!!!

የኢትዮጵያ ፌዴራላዊ ዴሞክራሲያዊ አንድነት መድረክ