ከአምስት ወር በፊት በአስታራ ሆቴል የተመሰረተው የኢትዮጵያ የጋዜጠኞች መድረክ(ኢ.ጋ.መ) ትላንት ሰኔ 15 ቀን 2006 ዓ.ም ከጠዋቱ 3፡00-6፡00 ሰዓት “የፕሬስ ነፃነት፣የጋዜጠኞች ደህንነት እና ልማት” በሚል ርዕስ ባለድርሻ አካላት የተሳተፉበተት የፓናል ውይይት በአዲስ ቪው ሆቴል አከናውኗል፡፡
የእለቱን መርሀ ግብር በንግግር የከፈተው የኢ.ጋ.መ ም/ፕሬዝዳንት ጋዜጠኛ ስለሺ ሃጎስ ሲሆን በመቀጠልም ሁለት ምሁራን የውይትት መነሻ ሀሳብ አቅርበው በተሳታፊዎች ሰፊ ውይይት ተደርጓል፡፡
“የኢትዮጵያ ፕሬስ አተገባበሩ፣ተግዳሮቶቹና መፍትሄው” በሚል ርዕስ የመጀመሪያውን የውይትት መነሻ ሀሳብ ያቀረቡት የአዲስ አበባ ዩኒቨርሲቲ የጋዜጠኝነትና ኮሙኒኬሽን ትምህርት ቤት ዲን ዶ/ር አብዲሳ ዘርአይ ሲሆኑ፤ “የፕሬስና የፀረሽብር ህጉ ከፕሬስ ነፃነት አንፃር” በሚል ርዕስ ሁለተኛውን የውይትት መነሻ ሀሳብ ያቀረቡት ደግሞ ታዋቂው የህግ ጠበቃና ተንታኝ አቶ ተማም አባቡልጉ ናቸው፡፡
ሁለቱም ፓናሊስቶች በሀገራችን ያለውን ለጋዜጠኞች ደህንነት እና ለፕሬስ ነፃነት ምቹ ያልሆነ ሁኔታ ለማስተካከል ጋዜጠኞች ሙያቸውን ማዕከል አድርገው መሰባሰብና መንግስትን ማስገደድ እንዳለባቸው አበክረው ተናግረዋል፡፡
ውይይቱ እስኪጀመር ማንነታቸው ያልታወቀ ግለሰቦች የስብሰባ አዳራሹን በአይነቁራኛ ሲከታተሉ ቆይተው፤ ዶ/ር አብዲሳ ዘርአይ መነሻ ሀሳብ በማቅረብ ላይ እያሉ አንድ የአካባቢው የፖሊስ ሃላፊ “የውይይቱን አስተባባሪዎች እንፈልጋለን” በማለት የኢ.ጋ.መ ም/ፕሬዝዳንት ስለሺ ሃጎስንና የማህበሩን ጸሀፊ ነብዩ ኃይሉን በአስቸኳይ ውይይቱ ቆሞ ተሰብሳቢዎቹን እንዲበትኑ ቀጭን ትዕዛዝ ሰጥተው ነበር፡፡ ሆኖም የኢ.ጋ.መ አመራሮች ስብሰባውን እንደማይበትኑ ገልፀው “እራሳችሁ ገብታችሁ በትኑ” የሚል ምላሽ ሰጥተዋል፡፡ አዛዡም በስልክ ከአለቆቻቸው ጋር ከተወያዩ በኋላ “ፖሊስ ለዚህ ስብሰባ ጥበቃ ማድረግ ነበረበት፤ ስብሰባ እንዳላችሁ ልታሳውቁን ይገባ ነበር፡፡ የበላይ ትዕዛዝ ስለሆነ ከዚህ በላይ አንወያይም በአስቸኳይ ስብሰባውን በትኑ” የሚል ማስፈራሪየ አዘል ትዕዛዝ ሰጥተዋል፡፡ የኢጋመ አመራሮችም “ለጊዜው የፖሊስ ጥበቃ አላስፈለገንም ስለዚህ አላሳወቅናችሁም፤ ውይይቱን ስለማቋረጡ ደግሞ ተነጋግረን ምላሽ እንሰጣችኋለን” በማለት ወደ ስብሰባ አዳራሹ ከተመለሱ በኋላ የውይይቱ መንፈስ እንዳይደፈርስ ለተወያዮቹ ፖሊስ የፈጠረውን ወከባ ሳይናገሩ ቀርተዋል፡፡
ውይይቱ በመቀጠሉ ያልተደሰቱት የፖሊስ አዛዥ ከስብሰባ አዳራሹ በር ላይ ቆመው ድምፃቸውን ከፍ አድርገው ተወያዩ እንዲበተን በማሳሰብ የስብሰባውን መንፈስ እንዲታወክ ሲሞክሩ ጋዜጠኛ ስለሺ ሃጎስ “ገብታችሁ መበተን ትችላላችሁ የቴሌቪዥንም የእኛም ካሜራ አለ ያደረጋችሁት ለህዝብ ይፋ ይሆናል” የሚል ምላሽ ሰጥቷል፤ የፖሊስ አዛዡም “ኢቲቪ አለ እንዴ? እንደውም የኢቲቪ ጋዜጠኞች ካሉ የአንዳቸውን መታወቂያ አሳዩኝና ስብሰባችሁን ቀጥሉ” በማለት አስገራሚ ምላሽ ሰጥተዋል፡፡
ውይይቱ እስኪጀመር ማንነታቸው ያልታወቀ ግለሰቦች የስብሰባ አዳራሹን በአይነቁራኛ ሲከታተሉ ቆይተው፤ ዶ/ር አብዲሳ ዘርአይ መነሻ ሀሳብ በማቅረብ ላይ እያሉ አንድ የአካባቢው የፖሊስ ሃላፊ “የውይይቱን አስተባባሪዎች እንፈልጋለን” በማለት የኢ.ጋ.መ ም/ፕሬዝዳንት ስለሺ ሃጎስንና የማህበሩን ጸሀፊ ነብዩ ኃይሉን በአስቸኳይ ውይይቱ ቆሞ ተሰብሳቢዎቹን እንዲበትኑ ቀጭን ትዕዛዝ ሰጥተው ነበር፡፡ ሆኖም የኢ.ጋ.መ አመራሮች ስብሰባውን እንደማይበትኑ ገልፀው “እራሳችሁ ገብታችሁ በትኑ” የሚል ምላሽ ሰጥተዋል፡፡ አዛዡም በስልክ ከአለቆቻቸው ጋር ከተወያዩ በኋላ “ፖሊስ ለዚህ ስብሰባ ጥበቃ ማድረግ ነበረበት፤ ስብሰባ እንዳላችሁ ልታሳውቁን ይገባ ነበር፡፡ የበላይ ትዕዛዝ ስለሆነ ከዚህ በላይ አንወያይም በአስቸኳይ ስብሰባውን በትኑ” የሚል ማስፈራሪየ አዘል ትዕዛዝ ሰጥተዋል፡፡ የኢጋመ አመራሮችም “ለጊዜው የፖሊስ ጥበቃ አላስፈለገንም ስለዚህ አላሳወቅናችሁም፤ ውይይቱን ስለማቋረጡ ደግሞ ተነጋግረን ምላሽ እንሰጣችኋለን” በማለት ወደ ስብሰባ አዳራሹ ከተመለሱ በኋላ የውይይቱ መንፈስ እንዳይደፈርስ ለተወያዮቹ ፖሊስ የፈጠረውን ወከባ ሳይናገሩ ቀርተዋል፡፡
ውይይቱ በመቀጠሉ ያልተደሰቱት የፖሊስ አዛዥ ከስብሰባ አዳራሹ በር ላይ ቆመው ድምፃቸውን ከፍ አድርገው ተወያዩ እንዲበተን በማሳሰብ የስብሰባውን መንፈስ እንዲታወክ ሲሞክሩ ጋዜጠኛ ስለሺ ሃጎስ “ገብታችሁ መበተን ትችላላችሁ የቴሌቪዥንም የእኛም ካሜራ አለ ያደረጋችሁት ለህዝብ ይፋ ይሆናል” የሚል ምላሽ ሰጥቷል፤ የፖሊስ አዛዡም “ኢቲቪ አለ እንዴ? እንደውም የኢቲቪ ጋዜጠኞች ካሉ የአንዳቸውን መታወቂያ አሳዩኝና ስብሰባችሁን ቀጥሉ” በማለት አስገራሚ ምላሽ ሰጥተዋል፡፡
በፓናል ውይይቱ ላይ ተገኝነው የመንግስታቸውን አቋም እንያስረዱና የውይይት መነሻ ሀሳብ እንዲያቀርቡ በኢ.ጋ.መ የተጋበዙት የመንግስት ኮሙኒኬሽን ጉዳዮች ጽ/ቤት ሚኒስትር ዲኤታ አቶ ሽመልስ ከማልና የጠ/ሚኒስትሩ ቃል አቀባይ አቶ ጌታቸው ረዳ በውይይቱ ላይ ሳይገኙ ቀርተዋል፡፡
ውይይቱ በተሳካ ሁኔታ ከተከናወነ በኋላ ተሳታፊዎቹን በእስር ላይ ለሚገኙ 16 ኢትዮጵያውያን ጋዜጠኞችና ብሎገሮች እንዲፈቱ የሚጠይቁ ጽሁፎችን በመያዝና ፎቶግራፍ በመነሳ ለሙያ ባልደረቦቻቸው አጋርነታቸውን አሳይተዋል፡፡
የኢትዮጵያ ጋዜጠኞች ማህበር(ኢ.ጋ.መ) ወደፊትም ተከታታይ የውይይት መድረኮችን እንደሚያዘጋጅ ይጠበቃል፡፡
ውይይቱ በተሳካ ሁኔታ ከተከናወነ በኋላ ተሳታፊዎቹን በእስር ላይ ለሚገኙ 16 ኢትዮጵያውያን ጋዜጠኞችና ብሎገሮች እንዲፈቱ የሚጠይቁ ጽሁፎችን በመያዝና ፎቶግራፍ በመነሳ ለሙያ ባልደረቦቻቸው አጋርነታቸውን አሳይተዋል፡፡
የኢትዮጵያ ጋዜጠኞች ማህበር(ኢ.ጋ.መ) ወደፊትም ተከታታይ የውይይት መድረኮችን እንደሚያዘጋጅ ይጠበቃል፡፡
No comments:
Post a Comment