ዘመናዊ የባሪያ ንግድ በቃፈታ ሁመራ

ዘመናዊ የባሪያ ንግድ በቃፈታ ሁመራ
የዛሬን አያደርገውና ሁመራ ጎንደር ውስጥ አሉ ከሚባሉ ለም መሬቶች የመጀመሪያውን ስፍራ ትይዛለች:: ሁመራ በአሁኑ ስአት በኢትዮፒያ ውስጥ ቁጥር አንድ ሰሊጥ የሚመረትባት በታ ናት:: በሁመራ ውስጥ ከሚሰሩ ባለሀብቶች የህውሀቱ EFFORT የአንበሳውን ድርሻ ቢወስድም ሌሎቹ ጥቃቅን ባለሀበቶች ብዛታቸው እንደ አሸን ነው:: እንዴው ከ EFFORT ጋ ሲወዳደሩ ጥቃቅን ይሁኑ እንጅ ነገርየው ሌላ ነው:: እያንዳንዱ ጥቃቅን ባለ ሀብት በትንሹ በአመት ከወጭ ገቢ 30 ሚሊዮን የኢትዮፒያ ብር ያገኛል::

ይህን ፁህፍ እንድጽፍ ያደረገኝ የእነሱን ሀብት ለማሳወቅ አይደለም:: ነገሩ ወዲህ ነው #### እንደነገርኩአቹህ EFFORT የተሰጠው መሬት በሄክታር ሲሰላ ከ 15 ሺ በላይ ነው:: ከዚህ ውስጥ ከ ግማሽ በላይ የሚሆነው አሁን ጎንደር ተብሎ ከተከለለው ውስጥ ይገኛል:: እዚህ ላይ ሊነሳ የሚገባው ጥያቄ አሁን EFFORT ከያዘው ቦታ ወደ ሰሜናዊ ክፍል 8 ሺ ሄክታር የሚሆን ብዙ ክፍት ቦታ እያለ ለምን ጎንደር መሬት ውስጥ ገብቶ እንዲያለማ ተደረገ?
ሌላው ነገር በቃፈታ ሁመራ እርሻ ውስጥ የሚሳተፉት የቀን ሰራተኞች ብዛት ነው:: 1.4 ሚሊዮን የቀን ሰራተኛ ከ ጎንደርና ከ ጎጃም ብቻ ከወርሀ ሰኔ እስከ ጥቅምት ባለው ግዜ ውስጥ በኩልበት ስራ ይሳተፋል:: በአማካይ በወር ውስጥ 500, 000 የጉልበት ሰራተኞች ይስተናገዳሉ:: በዚህ ሁናቴ ውስጥ የሚከተሉትን እውነታዎች ይዘን ብቅ አልን!!!!!!!!!!

1 EFFORT ለሰራተኞች የሚያቀርበው ምግብ ወደህአክር ከሚባል የሰብል አይነት የተዘጋጀ ዱቄት ሲሆን ትል ከማፈራቱ የተነሳ ትሎች ከዱቄቱ የሚለዩት በወንፊት ነው::
2 ካለው አስቸጋሪ የአየር ንብረት, ጊንጥ, እና የውባ በሽታ ተጋላጭነት የተነሳ ቢያነስ በቀን 5 ሰው ይሞታል
3 ለጉልበት ሰራተኞች በቀን የሚከፈላቸው ገንዘብ 19 ብር ሲሆን EFFORT ከሚያገኘው ትርፍ ለነዚህ ሰራተኛ የሚያውለው ከአንድ ሚሊዮን 10 ብር ብቻ ነው::
4 አንድም የትግራይ ተወላጅ በጉልበት ሰራተኝነት ተቀጥሮ ወደ ቦታው እንዳይሄድ ተወስኖል
5 መቶ በመቶ የጉለበት ሰራተኞች ከ ጎጃምና ጎንደር እንዲሁም ከፊል ወሎ የመጡ ሲሆን ከነዚህም ውስጥ 55 % የሚሆኑት ደራ ወረዳ ከሚባል ደቡቡ ጎንደር ዞን የመጡ ናቸው::

የሚገርመው በኢትዮፒያ ውስጥ ቀጥር አንድ ትልቅ ድርጅት ባልተማሩ ዜጎች ላይ ይህን የመሰለ ግፍ ሲፈጽም አቤት ባይ ወገን መጥፋቱ ያስተዛዝባል::

የተከበራቸሀ ወዳጆቸ ይህ አስተሳሰብ በምንም መለኩ ፖለቲካዊ ይዘት እስከሌለው ድረስ አማራ ክልል ውስጥ የምትገኙ ማናቹህም ሙህራኖች ለክልሉ ሰራተኛ እና ማህበራዊ ኩዳይ ጽቤት ለማመልከት እንዘጋጅ ስል በትህትና እጠይቃለሁ:: ለክልሉም ብቻ ሳይሆን ለ ፌድራል ማሀበራዊ ጉዳዮች ተጠሪ ለአቶ ደመቀ መኮነን ግልባጭ ይሆንለት ዘንድ ደብዳቤ ማረቀቅ ይኖርብናል::

በመጨረሻም ጉዳዩ ያገባናል የምትሉ ማናቹህም በውጭም በውስጥም የምትኖሩ ኢትዮፒያዊያን ከአሁኑ ስአት ጀምራቹህ አብሮነታቹህን ብትገልጹልኝ ነገሩ ውጤት ይኖረዋል ብየ ስለማስብ ከፊት ለመሰለፍ ሙሉ ፍቃዴን ስግልጽላቹህ በደስታ ነው: