የሰማያዊው ፓርቲ አቶ ጌታቸው አርበኞች ግንቦት 7ን ይቀላቀላል በሚል ስጋት ዋስትና ተከለከለ

የሰማያዊው ፓርቲ አቶ ጌታቸው አርበኞች ግንቦት 7ን ይቀላቀላል በሚል ስጋት ዋስትና ተከለከለ

የፌዴራሉ ከፍተኛ ፍርድ ቤት የዋለው ችሎት የሰማያዊ ፓርቲ ልሳን ዋና  አዘጋጅ በሆኑት የአቶ ጌታቸው ሽፈራው  የዋስትና መብት ጥያቄ ተመልክቷል።

አቃቢ ህጉ ለፍርድ ቤቱ ተከሳሹ የዋስትና መብቱ ቢጠበቅለት በአገር ውስጥና ከአገር ውጭ እየተንቀሳቀሰ የሚገኘውን የአርበኞች ግንቦት 7ን ይቀላቀላል በማለት ክሱን አስደምጧል።

አቃቢ ህጉም አክሎ አርበኞች ግንቦት 7 አገር ውስጥ ያለውን ውስብስብ አደረጃጀት በመጠቀም በቀላሉ ተከሳሹን ከአገር ሊያስወጣው ይችላል የሚል መከራከሪያ አቅርቧል።

በርግጥም አቶ ጌታቸው ሽፈራው የዋስ መብታቸውን የሚያስከብር አንቀጽ ቢኖርም ፍርድ ቤቱ ትጥቅ ትግሉን ሊቀላቀሉ ይችላሉ በሚል ስጋት የዋስትና መብታቸውን ገፏቸዋል።

አገዛዙን በብረት ለመለወጥ ከሚንቀሳቀስ ድርጅት ጋር የስራ ቁርኝነት ፈጥሯል እንዲሁም በማህበራዊ ሚዲያዎች ላይም የሰላ ትችት በህውሃት/ኢሕአዴግ ላይ አቅርቧል በማለት አቃቤ ህግ አቶ ጌታቸው ላይ ክስ ከዚህ ቀደምም አቅርቦ እንደነበረ ይታወቃል።

ፍርድ ቤቱ የተከሳሹን የአቶ ጌታቸው ሽፈራውን የዋስትና መብት ጥያቄ ውድቅ በማድረግ ተለዋጭ ቀጠሮ ለየካቲት 7ቀን 2009ዓም አስተላልፏል።