ዘጋቢ ጋዜጠኛ ዳዊት ሰለሞን ከአዲስ አበባ
በዝዋይ ወህኒ ቤት ቆይታው ለከፍተኛ የኩላሊት ህመም በመዳረጉ የተሻለ ህክምና ያገኝ ዘንድ በማረሚያ ቤቱ ክሊኒክ ሪፈር የተጻፈለት ጋዜጠኛ ውብሸት ታዬ ወደ አዲስ አበባ ቃሊቲ ማረሚያ ቤት ቢዘዋወርም የናፈቀውን የተሻለ ህክምና ሳያገኝ ወደ ዝዋይ ማረሚያ ቤት እንዲመለስ መወሰኑን ለጉዳዮ ቅርበት ያላቸው ምንጮች አስታውቀዋል፡፡
ውብሸት ከቤተሰቦቹ ራቅ ባለ የዝዋይ ማረሚያ ቤት የእስር ጊዜውን እንዲገፋ በመደረጉ በየጊዜው መጎብኘት የተሳናቸው ቤተሰቦቹ በቅርበት ሊጎበኙት ወደሚችሉበት ማረሚያ ቤት እንዲዘዋወር ሲጠይቁ መቆየታቸው አይዘነጋም፡፡የቀድሞው የአውራምባ ታይምስ ምክትል አዘጋጅ ወደ ቃሊቲ እንዲዘዋወር ከተደረገ በኋላም ጤንነቱ ምንም አይነት መሻሻል ባለማሳየቱ ህክምና የማግኘት መብቱ እንዲከበርለት የማረሚያ ቤቱን ሃላፊዎች ሲጠይቅ ቆይቷል፡፡
ጋዜጠኛው ህክምና ለማግኘት በሚጠባበቅበት ሰዓት ወደ ዝዋይ እንዲመለስ መወሰኑ በቤተሰቦቹ ላይ ከፍተኛ ድንጋጤ ፈጥሯል፡፡ከዚሁ ጋር በተያያዘ አበበ ቀስቶና አቶ በቀለ ገርባ በተመሳሳይ መልኩ ከዝዋይ ማረሚያ ቤት ህክምና ማግኘት ወደሚችሉበት ቃሊቲ እንዲዘዋወሩ ቢደረግም ህክምና የማግኘት መብታቸውን የቃሊቲ አመራሮች ባለማክበራቸው ከእነህመማቸው እንደሚገኙ ምንጮቼ ጠቁመዋል፡፡
ጋዜጠኛው ህክምና ለማግኘት በሚጠባበቅበት ሰዓት ወደ ዝዋይ እንዲመለስ መወሰኑ በቤተሰቦቹ ላይ ከፍተኛ ድንጋጤ ፈጥሯል፡፡ከዚሁ ጋር በተያያዘ አበበ ቀስቶና አቶ በቀለ ገርባ በተመሳሳይ መልኩ ከዝዋይ ማረሚያ ቤት ህክምና ማግኘት ወደሚችሉበት ቃሊቲ እንዲዘዋወሩ ቢደረግም ህክምና የማግኘት መብታቸውን የቃሊቲ አመራሮች ባለማክበራቸው ከእነህመማቸው እንደሚገኙ ምንጮቼ ጠቁመዋል፡፡
No comments:
Post a Comment