ለ24ኛው ክፍለጦር ውሃ የምታመላልሰው ቦቴ ተገልብጣ 6 ወታደሮች መሞታቸው ተዘገበ
ለ24ኛ ክፍለጦር ሰራዊት ስታገለግል የነበረችው ወታደራዊ የውሃ ማመላለሻ ቦቴ በመገልበጧ ምክንያት በውስጧ የነበሩት የስርዓቱ ወታደሮች ሙትና ቁስለኞች መሆናቸውን የደህሚት ድምጽ አስታወቀ:: ደህሚት ከምንጮቼ አገኝሁት ባለው መረጃ መሰረት- በአውደ ራፊዕና አካባቢው ለሚገኙት ለ24ኛ ክፍለጦር ሰራዊት ስታገለግል የቆየች አንድ የውሃ ቦቴ በመገልበጧ ተሳፍረው ከነበሩት ውስጥ 6 ወታደሮች ሲሞቱ የመኪናዋ ሾፌር ጨምሮ በርካታ ወታደሮች ደግሞ በከባድ መቁሰላቸውን ታወቀ።
ከሞቱት ወታደሮች የተወሰኑት ለመጥቀስ ያህል- ወታደር ግርማቸው አለበልና ከድር በድሩ የተባሉ እንደሚገኙባቸውና የቆሰሉትም ወደ ህክምና እንደተወሰዱ መረጃው አክሎ አስረድቷል ሲል ዘገባው መረጃውን ቋጭቷል::
Source :ZEHABESHA
No comments:
Post a Comment