የት እንዳሉ ሳይታወቁ ቀርተው የነበሩት አቶ አንዳርጋቸው ጽጌ በአባታቸው መጎበኘታቸው ተሰማ:: የአርበኞች ግንቦት 7 አመራር የነበሩት አቶ አንዳርጋቸው ጽጌ የመን ላይ ተይዘው ለኢትዮጵያ መንግስት ተላልፈው ከተሰጡ በኋላ አፍቃሪ የመንግስት ድረገጾች በፎቶ ሾፕ አንዳርጋቸው የአዳማን መንገድ ሲጎበኝ በሶሻል ሚድያዎች ለጥፈው ሲዋሹ ነበር::
ከዚህም በተጨማሪ ዶ/ር ቴዎድሮስ አድሃኖም አቶ አንዳርጋቸውን ልማቱን እያስጎበኘነው ነው ሲሉ በአሜሪካ ድምጽ ራድዮ ላይ መናገራቸው ይታወሳል::
የአንዳርጋቸው ጽጌ እህት ብዙአየሁ ጽጌ እንደገለጹት አቶ አንዳርጋቸው በአባታቸው ቢጎበኙም ኢትዮጵያውያን ወደ ለንደን እስኪመለሱና ነፃነታቸውን እስኪያገኙ ድረስ ኢትዮጵያውያን አብረዋቸው እንዲቆሙ ጥሪያቸውን አቅርበዋል::
አቶ አንዳርጋቸው በአባታቸው ሲጎበኙ ጤነነታቸው በደህና ሁኔታ ይገኛል ከመባሉ ውጭ ምን እንደተነጋገሩ የታወቀ ነገር አለመኖሩ ለዘ-ሐበሻ የደረሱ መረጃዎች አመልክተዋል::
Source : Zehabesha
No comments:
Post a Comment