አየር ኃይልና ሕዝባዊ እምቢተኝነት

ሕዝብ ሲቆስል የሚቆስለው ፣ ሕዝብ ሲደማ የሚደማው የኢትዮጵያ አየር ኃይል ከስርዓቱ ጋር አብሮ የተቀየረ ይመስላል ። እስከ ቅርብ ጊዜ ድረስ በስርዓቱ አየር ኃይል ውስጥ እያገለገሉ የነበሩት ወጣት በራሪ የህዝብ ልጆች አሰላለፋቸውን በፍጥነት ከህዝብ ጋር ማድረጋቸው የሚታወቅ ነው ። እነዚህ ወጣት በራሪዎች በህዝባቸው ላይ የሚደረገውን እልቂት ባሉበት ቦታ ሁሉ ሆነው በዝምታ የሚመለከቱት አይሆንም ።

በሌላ በኩል ደግሞ በአሁኑ ሰዓት ያለው የህውሃት አየር ኃይል የአገር ተወላጆችን ወደ ጐን ትቶ በቅጥረኛ በራሪዎች መመካት መጀመሩ ውሎ አድሯል ። ይህ አካሄድ “ለምን” ብሎ የሚጠይቅ ባለቤትነት የሚሰማው ዜጋ እንዳይፈጠር ታቅዶ የተሰራ ነው ። በትጥቅ ትግል የታገዘ ህዝባዊ እምቢተኝነትን ለማፈን ይረዳ ዘንድ የአንድ መንደር ልጆችን በሄሊኰፕተር ስኳድሮን ውስጥ አጭቆ በገሃድ እየተፈፀመ ያለውን የሰላማዊ ሕዝብ ፍጅት በአየርም ሲያስፈራራበትና ሲያሸብር ይታያል ።

ዛሬ ዛሬ ተዋጊ አውሮፕላኖቹ በራሪ አጥተው ሰንበሌጥ እየበቀለባቸው ይገኛሉ ። ጥቂት የትግራይ ተወላጅ ተለማማጅ በራሪዎች ብቻ ተመርጠው የተሰገሰጉበት ስኳድሮን አልፎ አልፎ ከባዕድ ዜጐችና በተጨማሪም ኢትዮጵያም የራስዋን ዜግነት ከመረቀችላቸው የሩስያ በራሪዎች ጋር የልምምድ በረራ ያደርጋሉ ። ይህ አካሄድ ወደድንም ጠላንም ከትግራይ ውጪ ያለውን ዜጋ ሁሉ የሚያሳስበውና ለወደፊቱም ለጥቃት እንደሚያጋልጠው ይገባናል።

ለዚህም ነው ኦክቶበር 9 ቀን 2016 ዓም የእሬቻን ሃይማኖታዊ በዓሉን በሚያከብረው ህዝባችን ላይ ከአየር ኃይሉ ባህል ውጪ ፍፁም ዘግናኝ ፍጅት የተፈፀመው ። ይህንን ድርጊት በመፈፀምና በማስፈፀም ቀጥተኛ ተባባሪ የሆኑት የሄሊኰፕተር ስኳድሮን አባላት በኃላፊነት ያስጠይቃቸዋል ። የቀድሞው የኢትዮጵያ አየር ኃይል አለም ዓቀፍ ህብረት በየጊዜው ያለማቋረጥ በህዝባችን ላይ እየተፈፀመ ያለውን የጅምላ ፍጅት ደግሞ ደጋግሞ እያወገዘ የህውሃት አየር ኃይል እያደረገ ያለውን የሰላማዊ ህዝብ ፍጅት በኃላፊነት ይጠይቃል ።

በዚህም መሰረት

እና የመሳሰሉት ከተጠያቂነት እንደማይተርፉ እናሳውቃለን ።

UFEAFA (United Former Ethiopian Air Force Association)

www.formerethiopianairforce.com