ቀንደኛ የማንችስተር ዩናይትድ የ28 አመቱ ደጋፊ እራሱን ከሶስተኛ ፎቅ ፈጠፈጠ! Man United fan sucide after the team knocked out of champions league

Manchester United Fan in Ethiopia threw himself of a Building in Addis after the Team knocked out of champions league - ቀንደኛ የማንችስተር ዩናይትድ የ28 አመቱ ደጋፊ እራሱን ከሶስተኛ ፎቅ ፈጠፈጠ! (በተሻገር ጣሰው)
ወጣቱ በንፋስ ስልክ ላፍቶ ክፍለ ከተማ በተለምዶ ለቡ ተብሎ በሚጠራው አካባቢ ነዋሪ ነው::
ሙሉ ስሙ ዘይኑ ሸረፋ ይባላል::...
በተለይ ለእግር ኳስ ጨዋታ ልዩ የሆነ ፍቅር አለው:: ዘይኑ ከሃገር ውስጥ ቀንደኛ የቡና ደጋፊ ነው:: ቡና እዚህ አዲስአበባ ብቻ አይደለም ከክልል ክለቦች ጋር ጨዋታ ካለው በራሱ ወጪ ክፍለ ሃገር በመሄድ የኢትዮጵያን ቡና ይደግፋል::

ከባህር ማዶ ደግሞ የእንግሊዙ ክለብ የሆነውን የማንችስተር ዩናይትድ ደጋፊ ነው::ክለቡን ለ10 አመታት ያህል ደግፏል የሚለብሰው ቲሸርት በየቀኑ የማንችስተር ዩናይትድ ተጨዋቾችን መለያ እየቀያየረ ነው::
ይህ ማለት ለ28 አመቱ ወጣት ዘይኑ የማንችስተር ዩናይትድ ክለብ በደሙ ውስጥ ሰርፆ ገብቷል ማለት ነው:: ከትላንት በስቲያ ማንችስተር ዩናይትድ ከዎልፍስበርግ ባደረገው የሻምፒዮንስ ሊግ ጨዋታ ላይ ከጨዋታው በፊት 10 ሺህ ብር ማንችስተር ዩናይትድ ያሸንፋል በሚል ከአንድ ግለሰብ ጋር ያስይዛል::
በጨዋታው ዎልፍስበርግ ማንችስተር ዩናይትድን በሜዳው 3ለ2 በሆነ ውጤት በማሸነፍ ከሻምፒዮንስ ሊግ ውድድር ውጪ እንዲሆን አደረገው::በዚህን ጊዜ የማንችስተር ዩናይትድ ቀንደኛ ደጋፊ የሆነው ዘይኑ ሸረፋ ተበሳጨ የጎደኞቹም ተረባ ሊያስቀምጠው አልቻለም ትላንት ምሽት ለቡ አካባቢ ከሚኖርበት 3ኛ ፎቅ ላይ ወደ ታች ቁልቁል ተመለከተና እራሱን ፈጠፈጠ::
በሃኪሞች እርዳታም ህይወቱ ሊተርፍ ችሏል::ዘይኑም በጭንቅላቱና በእግሩ ላይ ጉዳት እንደደረሰበት የጥቁር አንበሳ የህክምና ባለሙያዎች ገልፀውልናል::